ന്യൂസിലാണ്ടിനെതിരെ ആദ്യ ടെസ്റ്റിന്റെ ഒന്നാം ദിവസം ബാറ്റിംഗ് തിരഞ്ഞെടുത്ത ബംഗ്ലാദേശിന് 310 റൺസ്. 9 വിക്കറ്റ് നഷ്ടത്തിലാണ് ടീം ഈ സ്കോര്‍ നേടിയത്. 86 റൺസ് നേടിയ ഓപ്പണര്‍ മഹമ്മുദുള്‍ ഹസന്‍ ജോയിയുടെ ബാറ്റിംഗ് മികവിലാണ് ബംഗ്ലാദേശ് ഈ സ്കോര്‍ നേടിയത്. ന്യൂസിലാണ്ടിന് വേണ്ടി ഗ്ലെന്‍ ഫിലിപ്പ്സ് 4 വിക്കറ്റും നേടി.
മോമിനുള്‍ ഹക്ക്, ക്യാപ്റ്റന്‍ നജ്മുള്‍ ഹൊസൈന്‍ ഷാന്റോ എന്നിവര്‍ 37 റൺസ് വീതം നേടിയപ്പോള്‍ ഷഹ്ദത്ത് ഹൊസൈന്‍(24), നൂറുള്‍ ഹസന്‍(29) എന്നിവരാണ് മറ്റു സ്കോറര്‍മാര്‍.
13 റൺസുമായി ഷൊറിഫുള്‍ ഇസ്ലാമും 8 റൺസ് നേടി തൈജുള്‍ ഇസ്ലാമും ആണ് ആതിഥേയര്‍ക്കായി ക്രീസിലുള്ളത്. പത്താം വിക്കറ്റിൽ ഇവര്‍ 20 റൺസ് കൂട്ടിചേര്‍ത്ത് ബംഗ്ലാദേശിനെ 300 റൺസ് കടത്തുകയായിരുന്നു. ന്യൂസിലാണ്ടിനായി ഫിലിപ്പ്സിന് പുറമെ അജാസ് പട്ടേലും കൈൽ ജാമിസണും രണ്ട് വീതം വിക്കറ്റ് നേടി.
