തന്ത്രങ്ങൾ മെനയുന്നതിലും ആസൂത്രണം ചെയ്യുന്നതിലും പാകിസ്ഥാൻ നായകൻ ബാബർ അസം മുതിർന്ന കളിക്കാരുടെ ഉപദേശം സ്വീകരിക്കുന്നില്ലെന്ന് പാകിസ്ഥാൻ ക്രിക്കറ്റ് താരം ഷാഹിദ് അഫ്രീദി.
ഒരു ക്യാപ്റ്റൻ എന്ന നിലയിൽ, ഒരാൾ ഒരു നല്ല ലീഡർ ആകണം, എല്ലാ കളിക്കാരെയും ഒരുമിപ്പിച്ചുകൊണ്ട് പോകാൻ പറ്റണം. നിങ്ങളുടെ പദ്ധതികൾ സീനിയർമാരുമായി ചർച്ചചെയ്യണം എന്നാണ്. നിങ്ങൾ മുതിർന്നവരിൽ നിന്ന് ഉപദേശം സ്വീകരിക്കാൻ തുടങ്ങുമ്പോൾ കാര്യങ്ങൾ മെച്ചപ്പെടും. മുതിർന്നവരെ ഉൾപ്പെടുത്താതെ ആകുമ്പോൾ പ്രശ്നങ്ങൾ വരുന്നു. അഫ്രീദി ഒരു ടിവി ചാനലിൽ പറഞ്ഞു.
ബാബറിനെ മാത്രമല്ല ഓപ്പണർ റിസുവാനെയും അഫ്രീദി വിമർശിക്കുന്നു. റിസ്വാന് വിശ്രമം നൽകണം എന്നും പകരം ടെസ്റ്റ് മത്സരങ്ങളിൽ പാകിസ്ഥാൻ സർഫറാസ് അഹമ്മദിനെ കൊണ്ടുവരണം എന്നും അഫ്രീദി പറഞ്ഞു.
