കൊറോണ വൈറസ് ബാധയെ തുടർന്ന് ഓസ്‌ട്രേലിയൻ ആഭ്യന്തര ക്രിക്കറ്റായ ഷെഫീൽഡ് ഷീൽഡ് ഓസ്‌ട്രേലിയൻ ക്രിക്കറ്റ് ബോർഡ് നിർത്തിവെച്ചു. രണ്ടാം ലോക മഹാ യുദ്ധത്തിന് ശേഷം ആദ്യമായാണ് ഷെഫീൽഡ് ഷീൽഡ് ക്രിക്കറ്റ് നിർത്തിവെക്കുന്നത്. 10 റൗണ്ടുകൾ ഉള്ള മത്സരത്തിൽ 9 റൗണ്ടുകളും കഴിഞ്ഞതിന് ശേഷമാണ് ഷെഫീൽഡ് ഷീൽഡ് നിർത്തിവെക്കുന്നത്.
അവസാന ഘട്ട മത്സരങ്ങളിൽ സൗത്ത് ഓസ്ട്രേലിയ ക്വീൻസ്ലാൻഡിനെയും എൻ.എസ്.ഡബ്ലിയു വെസ്റ്റേൺ ഓസ്ട്രേലിയയെയും നേരിടാനിരിക്കെയാണ് മത്സരം ഓസ്ട്രേലിയ നിർത്തിവെച്ചത്. മത്സരം എന്ന് തുടരുമെന്ന് ക്രിക്കറ്റ് ഓസ്ട്രേലിയ വ്യക്തമാക്കിയിട്ടില്ല. നിലവിൽ എൻ.എസ്.ഡബ്ലിയു ആണ് ഷെഫീൽഡ് ഷീൽഡ് ടൂർണമെന്റിൽ ഒന്നാം സ്ഥാനത്ത് ഉള്ളത്.
