ഇന്ത്യയും ഓസ്ട്രേലിയയും തമ്മിലുള്ള നാലാം ടെസ്റ്റ് മത്സരത്തിൽ ടോസ് നേടിയ ഓസ്ട്രേലിയക്ക് ആദ്യ സെഷനിൽ രണ്ടു വിക്കറ്റുകൾ നഷ്ടമായി. ഓപ്പണർമാരായ ഉസ്മാൻ ഖവാജയും ട്രാവിസ് ഹെഡും ചേർന്ന് ഒന്നാം വിക്കറ്റിൽ 61 റൺസിന്റെ കൂട്ടുകെട്ട് പടുത്തുയർത്തി ഓസ്ട്രേലിയൻ ടീമിന് നല്ല തുടക്കമാണ് നൽകിയത്. എന്നാൽ, 16-ാം ഓവറിൽ 32 റൺസിന് ഹെഡ്ഡിനെ പുറത്താക്കി രവിചന്ദ്രൻ അശ്വിൻ ഈ കൂട്ടുകെട്ട് തകർത്തു. 3 റൺസിന് മാർനസ് ലബുഷാഗ്നെയെ മുഹമ്മദ് ഷമി പുറത്താക്കിയതോടെ ഇന്ത്യക്ക് പ്രതീക്ഷ വന്നു.
ലഞ്ചിന് പിരിയുമ്പോൾ ഓസ്ട്രേലിയ 29 ഓവർ പിന്നിടുമ്പോൾ 75/2 എന്ന നിലയിലാണ്. സ്റ്റീവൻ സ്മിത്തും ഖവാജയും ആണ് ക്രീസിൽ. 94 പന്തിൽ 5 ബൗണ്ടറികളോടെ 27 റൺസെടുത്ത ഖവാജ ക്ഷമയോടെ ബാറ്റ് ചെയ്യുന്നു. മറുവശത്ത് സ്മിത്ത് 17 പന്തിൽ 2 റൺസ് നേടി നിൽക്കുന്നു
