അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നടക്കുന്ന ഇന്ത്യയ്‌ക്കെതിരായ നാലാം ടെസ്റ്റിൽ ടോസ് നേടിയ ഓസ്ട്രേലിയ ഒന്നാം ദിനം അവസാനിക്കുമ്പോൾ ഓസ്ട്രേലിയ 255/4 എന്ന നിലയിലാണ്. സെഞ്ച്വറി നേടിയ ഖവാജ ഇപ്പോഴും ക്രീസിൽ ഉണ്ട്‌. 104 റൺസുമായി ഖവാജയും 49 റൺസുനായി ഗ്രീനും ആണ് ക്രീസിൽ ഉള്ളത്.
44 പന്തിൽ 32 റൺസെടുത്ത ട്രാവിസ് ഹെഡ്, 38 റൺസ് എടുത്ത സ്റ്റീവൻ സ്മിത്ത്, 17 റൺസ് എടുത്ത പീറ്റർ ഹാൻഡ്‌സ്‌കോമ്പ്, 3 റൺസ് എടുത്ത ലബുഷാനെ എന്നിവരുടെ വിക്കറ്റുകൾ ആണ് ഓസ്ട്രേലിയക്ക് ആദ്യ പകുതിയിൽ നഷ്ടമായത്. മുഹമ്മദ് ഷമി രണ്ടു വിക്കറ്റുകളും രവീന്ദ്ര ജഡേജയും അശ്വിനും ഓരോ വിക്കറ്റ് വീതവും വീഴ്ത്തി.
രണ്ടാം ദിവസം ഓസ്ട്രേലിയ വലിയ സ്‌കോറിലേക്ക് കുതിക്കാൻ ആകും ശ്രമിക്കുക. പരമ്പര ഇപ്പോൾ 2-1 എന്ന നിലയിലാമണ്. അത് 2-2 എന്നാക്കാൻ ആകുമെന്ന പ്രതീക്ഷയിലാണ് ഓസ്ട്രേലിയ.
