ന്യൂസിലാണ്ടിനെതിരെ രണ്ടാം ടി20യിൽ മികച്ച വിജയം നേടി ഇംഗ്ലണ്ട്. രണ്ടാം മത്സരത്തിൽ ന്യൂസിലാണ്ടിനെതിരെ 95 റൺസിന്റെ വിജയം ആണ് ടീം നേടിയത്. ആദ്യം ബാറ്റ് ചെയ്ത ഇംഗ്ലണ്ട് ജോണി ബൈര്സ്റ്റോയുടെയും ഹാരി ബ്രൂക്കിന്റെയും വെടിക്കെട്ട് ബാറ്റിംഗിന്റെ ബലത്തിൽ 198/4 എന്ന സ്കോര് നേടുകയായിരുന്നു. ബൈര്സ്റ്റോ 60 പന്തിൽ 86 റൺസ് നേടിയപ്പോള് ഹാരി ബ്രൂക്ക് 36 പന്തിൽ നിന്ന് 67 റൺസാണ് നേടിയത്. ന്യൂസിലാണ്ടിനായി ഇഷ് സോധി 2 വിക്കറ്റ് നേടി.
മറുപടി ബാറ്റിംഗിനിറങ്ങിയ ന്യൂസിലാണ്ട് 13.4 ഓവറിൽ 103 റൺസിന് ഓള്ഔട്ട് ആയപ്പോള് ഗസ് അറ്റ്കിന്സൺ 4 വിക്കറ്റ് നേടി ഇംഗ്ലണ്ട് നിരയിൽ തിളങ്ങി. 39 റൺസ് നേടിയ ടിം സീഫെര്ട് ആണ് ന്യൂസിലാണ്ടിന്റെ ടോപ് സ്കോറര്. ഗ്ലെന് ഫിലിപ്പ്സ് 22 റൺസ് നേടി. തന്റെ അരങ്ങേറ്റ മത്സരത്തിൽ തന്നെ മികവാര്ന്ന പ്രകടനം ആണ് ഇംഗ്ലണ്ട് പുറത്തെടുത്തത്.
