U19 ഏഷ്യ കപ്പില്‍ യുഎഇയ്ക്കെതിരെ ഇന്ത്യയുടെ രണ്ടാം മത്സരത്തിലും കൂറ്റന്‍ സ്കോര്‍ നേടി ടീം. ഓപ്പണര്‍മാരായ അനുജ് റാവത്ത്(102), ദേവദത്ത് പടിക്കല്‍(121) എന്നിവരുടെ പ്രകടനത്തിനൊപ്പം ക്യാപ്റ്റന്‍ പവന്‍ ഷാ(45), സമീര്‍ ചൗധരി(42) എന്നിവരും മികച്ച സ്കോറുകള്‍ കണ്ടെത്തിയപ്പോള്‍ ഇന്ത്യ 50 ഓവറില്‍ 6 വിക്കറ്റ് നഷ്ടത്തില്‍ 354 റണ്‍സാണ് ടീം നേടിയത്.
19 പന്തില്‍ നിന്ന് 4 സിക്സ് സഹിതം 42 റണ്‍സ് നേടിയ സമീര്‍ ചൗധരി ഇന്നിംഗ്സിന്റെ അവസാനത്തോടു കൂടി വെടിക്കെട്ട് ബാറ്റിംഗ് പ്രകടനമാണ് പുറത്തെടുത്തത്. ഒന്നാം വിക്കറ്റില്‍ ഓപ്പണര്‍മാരായ അനുജ് റാവത്ത്-ദേവദത്ത് പടിക്കല്‍ എന്നിവര്‍ ചേര്‍ന്ന് ഒന്നാം വിക്കറ്റില്‍ 205 റണ്‍സാണ് നേടിയത്. യുഎഇയ്ക്ക് വേണ്ടി അലിഷാന്‍ ഷറഫു, ആരോണ്‍ ബെഞ്ചമിന്‍ എന്നിവര്‍ രണ്ട് വീതം വിക്കറ്റും പളനിയപ്പന്ന മെയ്യപ്പന്‍, റോണക് പനോളി എന്നിവര്‍ ഓരോ വിക്കറ്റും നേടി.
