തന്റെ നഷ്ടപ്പെട്ട ഫോം വീണ്ടെടുക്കുവാനായി പാക്കിസ്ഥാന്‍ പേസ് ബൗളര്‍ പ്രാദേശിക ക്രിക്കറ്റില്‍ കളിക്കും. മോശം ഫോം തുടര്‍ന്ന പാക്കിസ്ഥാന്‍ ബൗളറെ ടീമിന്റെ ഓസ്ട്രേലിയന്‍ പരമ്പരയില്‍ നിന്ന് ഒഴിവാക്കുകയായിരുന്നു. നേരത്തെ പാക്കിസ്ഥാന്‍ നായകന്‍ സര്‍ഫ്രാസ് അഹമ്മദും കോച്ച് മിക്കി ആര്‍തറും താരത്തിനു വിക്കറ്റെടുക്കാന്‍ കഴിയാത്തതിനെക്കുറിച്ച് പരസ്യമായി വിമര്‍ശിച്ചിരുന്നു. ഏഷ്യ കപ്പില്‍ ഇന്ത്യയ്ക്കെതിരെയുള്ള മത്സരത്തില്‍ വിക്കറ്റ് നേടാനാകാതെ പോയപ്പോള്‍ താരത്തിനെ അഫ്ഗാനിസ്ഥാനെതിരെയും ബംഗ്ലാദേശിനെതിരെയും പുറത്താക്കുകയായിരുന്നു.
I am pleased to inform you that @iamamirofficial will be representing @SSGC_Cricket in current season and we'll do our best to help him getting his rytham and form back
— Atiq-uz-Zaman (@Atiq160Test) September 29, 2018
ഡിപ്പാര്‍ട്മെന്റ് ടീം ആയി സുയി സത്തേണ്‍ ഗ്യാസ് കോര്‍പ്പറേഷനു വേണ്ടിയാണ് താരം ഈ സീസണില്‍ കളിക്കാനെത്തുന്നത്. ടീം കോച്ചാണ് ഈ വിവരം ട്വിറ്ററിലൂടെ അറിയിച്ചത്. ഏഷ്യ കപ്പില്‍ വിക്കറ്റ് ലഭിക്കാതിരുന്ന താരം ഈ വര്‍ഷം 10 മത്സരങ്ങളില്‍ നിന്ന് മൂന്ന് വിക്കറ്റ് മാത്രമാണ് നേടിയത്.
