പാകിസ്ഥാൻ നടത്തിയ ഡ്രോൺ, മിസൈൽ ആക്രമണങ്ങളെ തുടർന്ന് ഇന്ത്യയും പാകിസ്ഥാനും തമ്മിലുള്ള സംഘർഷം വർധിച്ച സാഹചര്യത്തിൽ, മുൻ ഇന്ത്യൻ ക്രിക്കറ്റ് താരം അമ്പാട്ടി റായിഡു സമാധാനത്തിനുള്ള ആഹ്വാനവുമായി രംഗത്തെത്തി. “കണ്ണിന് പകരം കണ്ണ് എന്ന ചിന്താഗതി ലോകത്തെ അന്ധമാക്കും” എന്ന മഹാത്മാഗാന്ധിയുടെ വാക്കുകൾ പങ്കുവെച്ചുകൊണ്ട് വിവേകം, നീതി, മനുഷ്യത്വം എന്നിവ സഹവർത്തിക്കണമെന്ന് റായിഡു അഭ്യർത്ഥിച്ചു.
സുരക്ഷാ ഭീഷണികളെ തുടർന്ന് ധർമ്മശാലയിലെ ഐപിഎൽ 2025 മത്സരം പെട്ടെന്ന് റദ്ദാക്കുകയും സ്റ്റേഡിയം ഒഴിപ്പിക്കുകയും ചെയ്തതിന് പിന്നാലെയാണ് അദ്ദേഹത്തിന്റെ പ്രതികരണം എക്സിൽ വന്നത്. ജമ്മു & കാശ്മീർ, പഞ്ചാബ്, മറ്റ് അതിർത്തി പ്രദേശങ്ങളിലെ ആളുകളുടെ സുരക്ഷയ്ക്കായി റായിഡു പ്രാർത്ഥനയും നടത്തി.
ഇന്ത്യയുടെ ഓപ്പറേഷൻ സിന്ദൂർ പാകിസ്ഥാനിലെ ഒളിത്താവളങ്ങളിൽ 100 ലധികം തീവ്രവാദികളെ നിർവീര്യമാക്കിയതിന് ശേഷമാണ് സംഘർഷം രൂക്ഷമായത്. ഇതിന് മറുപടിയായി പാകിസ്ഥാൻ അതിർത്തി കടന്ന് ആക്രമണം നടത്തുകയായിരുന്നു. അതേസമയം, മുൻ ക്രിക്കറ്റ് താരം വീരേന്ദർ സെവാഗ് ഇന്ത്യൻ സായുധ സേനയ്ക്ക് പിന്തുണയുമായി ശക്തമായ പ്രസ്താവന നടത്തി. പാകിസ്ഥാന്റെ പ്രകോപനത്തിന് തക്കതായ മറുപടി ലഭിക്കുമെന്നും അദ്ദേഹം പറഞ്ഞു.
An eye for an eye makes the world blind..🙏🙏🙏
— ATR (@RayuduAmbati) May 8, 2025
