കൈവിരലിനേറ്റ പരിക്ക് മൂലം എബി ഡി വില്ലിയേഴ്സ് ഇന്ത്യയ്ക്കെതിരെയുള്ള ആദ്യ മൂന്ന് ഏകദിനങ്ങളില്‍ പങ്കെടുക്കുകയില്ല. താരത്തിനു പകരക്കാരനെ പ്രഖ്യാപിക്കേണ്ടതില്ല എന്ന് ദക്ഷിണാഫ്രിക്ക തീരുമാനിക്കുകയായിരുന്നു. ആറ് മത്സരങ്ങളുടെ പരമ്പരയിലെ അവസാന മൂന്ന് മത്സരങ്ങള്‍ക്ക് താരം ഫിറ്റാവുമെന്ന പ്രതീക്ഷയിലാണ് ദക്ഷിണാഫ്രിക്ക.
ജോഹാന്നസ്ബര്‍ഗിലെ ടെസ്റ്റിനിടെ ഇന്ത്യയുടെ ആദ്യ ഇന്നിംഗ്സില്‍ കോഹ്‍ലിയുടെ ക്യാച്ച് എടുക്കുമ്പോളാണ് ഡി വില്ലിയേഴ്സിനു പരിക്കേറ്റത്. ദക്ഷിണാഫ്രിക്കയ്ക്കായി ബാറ്റിംഗ് ചെയ്തുവെങ്കിലും ഏറെ നേരം താരം ഫീല്‍ഡില്‍ നിന്ന് വിട്ടുനിന്നിരുന്നു. രണ്ട് ആഴ്ചയോളം പരിക്ക് ഭേദമാകുവാന്‍ വേണ്ടി വരുമെന്നാണ് ദക്ഷിണാഫ്രിക്കയുടെ മെഡിക്കല്‍ ടീം അറിയിച്ചത്.
പരമ്പരയിലെ ആദ്യ മത്സരം ഫെബ്രുവരി 1നു കിംഗ്സ്മെയിഡില്‍ അരങ്ങേറും.
കൂടുതൽ കായിക വാർത്തകൾക്ക് : www.facebook.com/FanportOfficial
