ഇന്ന് പുറത്തു വന്ന ഫിഫാ റാങ്കിംഗിൽ ബെൽജിയം ഒന്നാമത് തന്നെ തുടരുന്നു. അവസാന ഒരു മാസം രാജ്യാന്തര മത്സരങ്ങൾ ഒന്നും നടക്കാത്തതിനാൽ തന്നെ കാര്യമായ ഒരു മാറ്റവും ഫിഫാ റാങ്കിംഗിൽ ഇത്തവണയില്ല. ആദ്യ പത്തു സ്ഥാനങ്ങളിൽ ഒരു മാറ്റവും ഇല്ല. ലോക ചാമ്പ്യന്മാരായ ഫ്രാൻസ് രണ്ടാമതും ബ്രസീൽ മൂന്നാമതും തുടരുന്നു.
ഇന്ത്യ 97ആം സ്ഥാനത്ത് തന്നെ തുടരുകയാണ്. ഏഷ്യാ കപ്പ് നടക്കാനുള്ളതിനാൽ വലിയ മാറ്റങ്ങൾ അടുത്ത റാങ്കിംഗിൽ ഇന്ത്യക്ക് സംഭവിക്കും എന്നാണ് കരുതുന്നത്.
