ഇന്നലെ നടന്ന രണ്ടാം മത്സരത്തില്‍ പുനേരി പള്‍ട്ടനും ജയ്പൂര്‍ പിങ്ക് പാന്തേഴ്സും സമനിലയില്‍ പിരിഞ്ഞു. മുഴുവന്‍ സമയത്ത് 30 വീതം പോയിന്റ് നേടി ഇരു ടീമുകളും തുല്യരായി നിന്നപ്പോള്‍ പകുതി സമയത്ത് 17-10നു ലീഡ് ജയ്പൂരിനൊപ്പമായിരുന്നു. എന്നാല്‍ രണ്ടാം പകുതിയില്‍ ശക്തമായ തിരിച്ചുവരവ് നടത്തിയ പൂനെ മത്സരത്തിലെ അവസാന നിമിഷങ്ങളില്‍ ലീഡ് കൈവശപ്പെടുത്തുന്ന നിലയിലെത്തിയെങ്കിലും ജയ്പൂര്‍ അവസാന മിനുട്ടില്‍ ഒപ്പമെത്തുകയായിരുന്നു.
15-14നു റെയിഡിംഗിലും 12-9നു പ്രതിരോധത്തിലും ലീഡ് ചെയ്തത് ജയ്പൂരായിരുന്നുവെങ്കിലും അധിക പോയിന്റില്‍ 5-1ന്റെ ലീഡ് പൂനെയെ മത്സരത്തിലേക്ക് തിരികെ എത്തിച്ചു. ഇരു ടീമുകളും ഓരോ തവണ ഓള്‍ഔട്ട് ആയി. 12 പോയിന്റ് നേടിയ ദീപക് ഹൂഡ ജയ്പൂരിന്റെയും മത്സരത്തിലെയും ടോപ് സ്കോറര്‍ ആയപ്പോള്‍ പൂനെയ്ക്കായി ഗിരീഷ് മാരുതി എര്‍ണാക് ആറും മോറെ, ദീപക് കുമാര്‍ ദഹിയ എന്നിവര്‍ അഞ്ച് വീതം പോയിന്റും നേടി.
