ഒപ്പത്തിനൊപ്പം നീണ്ട പോരാട്ടത്തില്‍ മുംബൈയെ മറികടന്ന് ഗുജറാത്ത് ഫോര്‍ച്യൂണ്‍ജയന്റ്സ്. 38-36 എന്ന സ്കോറിനാണ് യുമുംബയെ ഗുജറാത്ത് കീഴടക്കിയത്. ആദ്യ പകുതി അവസാനിക്കുമ്പോള്‍ ഫോര്‍ച്യൂണ്‍ ജയന്റ്സ് 18-14നു മുന്നിലായിരുന്നു.
മുംബൈ നിരയില്‍ സിദ്ധാര്‍ത്ഥ് ദേശായി 13 പോയിന്റുമായി ടോപ് സ്കോറര്‍ ആയപ്പോള്‍ രോഹിത് ബലിയന്‍ 7 പോയിന്റ് നേടി. ഗുജറാത്തിനായി സച്ചിന്‍ 9 പോയിന്റും മഹേന്ദ്ര രാജ്പുത് അഞ്ചും പര്‍വേഷ് ബൈന്‍സാല്‍ നാലും പോയിന്റ് നേടി. റെയിഡിംഗില്‍ ഗുജറാത്ത് 22-19നു നേരിയ ലീഡ് നേടിയപ്പോള്‍ പ്രതിരോധത്തില്‍ മുംബൈയ്ക്ക് 14-9ന്റെ വ്യക്തമായ ലീഡ് കൈവശപ്പെടുത്താനായിരുന്നു.
രണ്ട് തവണ മുംബൈ ഓള്‍ഔട്ട് ആയപ്പോള്‍ ഒരു തവണ ഗുജറാത്തും പൂര്‍ണ്ണമായി പുറത്തായി. 3 അധിക പോയിന്റുകള്‍ ഗുജറാത്ത് നേടിയപ്പോള്‍ 1 പോയിന്റ് ഈ വകുപ്പില്‍ മുംബൈ നേടി.
