ഇന്നലെ നടന്ന രണ്ടാം പ്രൊ കബഡി മത്സരത്തില്‍ ഒപ്പം പിടിച്ച് യുപി യോദ്ധയും ബംഗാള്‍ വാരിയേഴ്സും. 30-30നു ഫൈനല്‍ വിസില്‍ സമയത്ത് ടീമുകള്‍ തുല്യത പാലിച്ചപ്പോള്‍ പകുതി സമയത്ത് നേരിയ ലീഡ് ബംഗാളിനായിരുന്നു. ആദ്യ പകുതി അവസാനിച്ചപ്പോള്‍ 12-11നു ബംഗാള്‍ മുന്നിലായിരുന്നു. റെയിഡിംഗില്‍ 19-19നു ടീമുകള്‍ തുല്യത പാലിച്ചപ്പോള്‍ 8-7നു യുപി പ്രതിരോധത്തില്‍ മുന്നിട്ട് നിന്നു.
ഇരു ടീമുകളും ഓരോ തവണ മത്സരത്തില്‍ ഓള്‍ഔട്ട് ആവുകയായിരുന്നു. അധിക പോയിന്റുകളില്‍ 2-1ന്റെ ലീഡ് ബംഗാള്‍ നേടിയപ്പോള്‍ ടീമുകള്‍ പോയിന്റുകളില്‍ തുല്യത പാലിച്ചു. ബംഗാളിന്റെ മനീന്ദര്‍ സിംഗ് 14 പോയിന്റുമായി മത്സരത്തിലെ ടോപ് സ്കോറര്‍ ആയി. യുപി നിരയില്‍ ഋഷാംഗ് ദേവഡിഗയാണ് പത്ത് പോയിന്റുമായി തിളങ്ങിയത്.
