തെലുഗു ടൈറ്റന്‍സിനെതിരെ 21 പോയിന്റിന്റെ വലിയ ജയവുമായി യു മുംബ. ഇന്ന് നടന്ന ആദ്യ മത്സരത്തില്‍ 41-20 എന്ന സ്കോറിനായിരുന്നു യു മുംബയുടെ തകര്‍പ്പന്‍ ജയം. പകുതി സമയത്ത് 17-12നു മുംബൈ ആയിരുന്നു മുന്നിലെങ്കിലും രണ്ടാം പകുതിയില്‍ ടൈറ്റന്‍സിനെ നിഷ്പ്രഭമാക്കിയ പ്രകടനമാണ് മുംബൈ പുറത്തെടുത്തത്. രണ്ടാം പകുതിയില്‍ വെറും 8 പോയിന്റാണ് തെലുഗു ടൈറ്റന്‍സിനു നേടാനായത്.
17 പോയിന്റ് നേടിയ സിദ്ധാര്‍ത്ഥ് ദേശായി ആണ് മുംബൈയെ മുന്നോട്ട് നയിച്ചത്. തെലുഗു നിരയില്‍ രാഹുല്‍ ചൗധരി ഏഴ് പോയിന്റ് നേടി. 22-13നു റെയിഡിംഗിലും 12-6നു ടാക്കിള്‍ പോയിന്റുകളിലും മുന്നിട്ട് നിന്ന മുംബൈ മൂന്ന് തവണ ടൈറ്റന്‍സിനെ മത്സരത്തില്‍ ഓള്‍ഔട്ടുമാക്കി.
