ഹൈദ്രാബാദ് ടെസ്റ്റില് വിന്ഡീസ് ഇന്നിംഗ്സ് 311 റണ്സില് അവസാനിച്ചു. തലേ ദിവസത്തെ സ്കോറായ 295/7 എന്ന നിലയില് ബാറ്റിംഗ് പുനരാരംഭിച്ച വിന്ഡീസ് ഇന്നിംഗ്സിനു ഉമേഷ് യാദവ് ആണ് വിരാമം കുറിച്ചത്. ഇന്നലെ മൂന്ന് വിക്കറ്റ് നേടിയ ഉമേഷ് അവശേഷിക്കുന്ന മൂന്ന് വിക്കറ്റ് കൂടി നേടിയപ്പോള് വിന്ഡീസ് 311 റണ്സിനു പുറത്തായി.
റോഷ്ടണ് ചേസ് തന്റെ ശതകം പൂര്ത്തിയാക്കി 106 റണ്സില് പുറത്തായി. 8 റണ്സുമായി ജോമെല് വാരിക്കന് പുറത്താകാതെ നിന്നു. മറുപടി ബാറ്റിംഗിനിറങ്ങിയ ഇന്ത്യ 5 ഓവറില് 43 റണ്സ് നേടിയിട്ടുണ്ട്. പൃഥ്വി ഷാ 20 റണ്സും ലോകേഷ് രാഹുല് 4 റണ്സും നേടി ക്രീസില് നില്ക്കുന്നു.
