അങ്ങനെ നീണ്ട ഇടവേളയ്ക്ക് ശേഷം സാബാസ് സലീൽ ദേശീയ ഫുട്ബോളിലേക്ക് തിരിച്ചെത്തുന്നു. ഒരു കാലത്ത് ഇന്ത്യൻ ഫുട്ബോളിന്റെ തന്നെ പ്രതീക്ഷയെന്ന് കരുതിയിരുന്ന സലീലിനെ ഗോകുലം എഫ് സി സൈൻ ചെയ്തിരിക്കുകയാണ്. ഇപ്പോൾ ഗോവയിൽ AWES കപ്പ് കളിക്കുന്ന ഗോകുലത്തിനൊപ്പം സലീലും ഉണ്ട്.
വിവാ കേരളയിലൂടെ കരിയർ ആരംഭിച്ച സലീൽ കരിയർ തുടക്കത്തിൽ ദേശീയ ശ്രദ്ധ പിടിച്ചുപറ്റിയിരുന്നു. ലെഫ്റ്റ് ബാക്കായി കളിച്ചിരുന്ന സലീൽ ഇന്ത്യൻ അണ്ടർ 23 ടീമിനായും കളിച്ചിട്ടുണ്ട്. വിവാ കേരളയിൽ പ്രകടന മികവ് തരത്തെ പിന്നീട് ഒ എൻ ജി സിയിൽ എത്തിച്ചു. ക്വാർട്സ്, ഭാരത് എഫ് സി, യുണൈറ്റഡ് സ്പോർട്സ് ക്ലബ് എന്നിവർക്കായും മുമ്പ് കളിച്ചിട്ടുണ്ട്.
അവസാന കുറച്ച് വർഷങ്ങളായി പരിക്കും മറ്റു തിരിച്ചടികളും നേരിട്ട സലീൽ സെവൻസ് ഫുട്ബോളിൽ ശ്രദ്ധ കേന്ദ്രീകരിച്ചിരിക്കുകയായിരു‌ന്നു. അതിനിടയിലാണ് വീണ്ടും പ്രതീക്ഷയേകി കൊണ്ട് ഗോകുലം സൈൻ ചെയ്തിരിക്കുന്നത്.
