2018 ഏഷ്യ കപ്പിന്റെ ഫിക്സ്ച്ചറുകള്‍ തയ്യാര്‍. സെപ്റ്റംബര്‍ 15നു യുണൈറ്റഡ് അറബ് എമിറേറ്റ്സില്‍ നടക്കുന്നു ടൂര്‍ണ്ണമെന്റിന്റെ ഉദ്ഘാടന മത്സരത്തില്‍ ബംഗ്ലാദേശും ശ്രീലങ്കയും എറ്റുമുട്ടും. നിലവിലെ ചാമ്പ്യന്മാരായ ഇന്ത്യയുടെ ആദ്യ മത്സരം സെപ്റ്റംബര്‍ 18നാണ്. യോഗ്യത റൗണ്ട് പോരാട്ടത്തിലെ വിജയികളെയാണ് ഇന്ത്യ ആദ്യ മത്സരത്തില്‍ ഏറ്റുമുട്ടുന്നത്.
തൊട്ടടുത്ത ദിവസം ഇന്ത്യ പരമ്പരാഗത വൈരികളായ പാക്കിസ്ഥാനെ നേരിടും. ശ്രീലങ്ക, ബംഗ്ലാദേശ്, അഫ്ഗാനിസ്ഥാന്‍ എന്നിവര്‍ ഒരു ഗ്രൂപ്പിലും യോഗ്യത റൗണ്ടില്‍ നിന്നുള്ള ഒരു ടീമിനൊപ്പം ഇന്ത്യയും പാക്കിസ്ഥാനും മറ്റേ ഗ്രൂപ്പിലും കളിക്കുന്നു. ഫൈനല്‍ ദുബായിയില്‍ സെപ്റ്റംബര്‍ 28നു നടക്കും.
കൂടുതൽ കായിക വാർത്തകൾക്ക് : www.facebook.com/FanportOfficial
