ചരിത്രം, സ്പെയ്നെ അട്ടിമറിച്ച് റഷ്യ ക്വാർട്ടർ ഫൈനലിലേക്ക്. നിശ്ചിത സമയത്ത് ഇരു ടീമുകളും ഓരോ ഗോൾ വീതം നേടി സമനില പാലിച്ചപ്പോൾ പെനാൽറ്റി ഷൂട്ടൗട്ടിൽ അകിൻഫെവ് റഷ്യയുടെ ദേശീയ ഹീറോ ആവുകയായിരുന്നു. കൊക്കെ, ആസ്പാസ് എന്നിവരുടെ പെനാൽറ്റി കിക്ക് ആണ് അകിൻഫെവ് തടയുകയായിരുന്നു.
പതിനൊന്നാം മിനിറ്റിൽ ഇഗ്‌നേഷേവിച്ച് വഴങ്ങിയ സെല്ഫ് ഗോളിൽ ആണ് സ്പെയ്ൻ മുന്നിൽ എത്തിയത്. എന്നാൽ 41ആം മിനിറ്റിൽ ലഭിച്ച പെനാൽറ്റിയിലൂടെ റഷ്യ സമനില പിടിച്ചു. രണ്ടാം പകുതിയിലും കാര്യമായ മുന്നേറ്റം നടത്താൻ ഇരു ടീമുകൾക്കും കഴിഞ്ഞില്ല. സ്പെയ്ൻ ഇനിയെസ്റ്റയെ രംഗത്തിറക്കി എങ്കിലും റഷ്യൻ പ്രതിരോധപൂട്ട് പൊട്ടിക്കാൻ സ്പെയ്ന് കഴിഞ്ഞില്ല.
എക്സ്ട്രാ ടൈമിലും സമനില പാലിചതോടെ മത്സരം ഷൂട്ടൗട്ടിലേക്ക് നീങ്ങി. സ്പെയന് വേണ്ടി ആദ്യ രണ്ടു കിക്കുകൾ എടുത്ത ഇനിയെസ്റ്റക്കും പിക്വേക്കും പിഴച്ചില്ല, എന്നാൽ മൂന്നാമത്തെ കിക്ക് എടുത്ത കോക്കെയുടെ മുന്നിൽ അകിൻഫെവ് തടസമായി, തുടർന്ന് വന്ന റാമോസ് ഗോളാക്കി മാറ്റി എങ്കിലും അവസാന കിക്ക് എടുത്ത അസ്പാസിനും പിഴച്ചു. നാലു കിക്കുകളും ഗോളാക്കി മാറ്റിയ റഷ്യക്ക് ഷൂട്ടൗട്ടിൽ 4-3 ന്റെ വിജയം.
കൂടുതൽ കായിക വാർത്തകൾക്ക് : www.facebook.com/FanportOfficial
