ഏകദിനങ്ങളില്‍ 400 പുറത്താക്കലുമായി ഇന്ത്യയുടെ ഒന്നാം നമ്പര്‍ വിക്കറ്റ് കീപ്പര്‍ എംഎസ് ധോണി. ഇന്നത്തെ മത്സരത്തില്‍ ദക്ഷിണാഫ്രിക്കന്‍ നായകന്‍ എയ്ഡന്‍ മാര്‍ക്രത്തെ കുല്‍ദീപ് യാദവിന്റെ പന്തില്‍ സ്റ്റംപ് ചെയ്ത് പുറത്താക്കിയതോടെയാണ് ധോണി ഈ നേട്ടം സ്വന്തമാക്കുന്ന നാലാമത്തെ വിക്കറ്റ് കീപ്പര്‍ ആയി മാറിയത്. ഏകദിനത്തില്‍ 106 സ്റ്റംപിംഗുകളും 294 ക്യാച്ചുകളുമാണ് ധോണി പൂര്‍ത്തിയാക്കിയിട്ടുള്ളത്.
കുമാര്‍ സംഗക്കാരയാണ് ലിസ്റ്റില്‍ ഒന്നാമത്. 482 പുറത്താക്കലുകള്‍ക്ക് ഉടമായാണ് ശ്രീലങ്കന്‍ ഇതിഹാസം. രണ്ടാം സ്ഥാനത്ത് 472 പുറത്താക്കലുമായി ഓസ്ട്രേലിയന്‍ ആഡം ഗില്‍ക്രിസ്റ്റും തൊട്ടുപുറകേ മാര്‍ക്ക് ബൗച്ചറുമാണ്(424) പട്ടികയിലെ മറ്റു അംഗങ്ങള്‍.
കൂടുതൽ കായിക വാർത്തകൾക്ക് : www.facebook.com/FanportOfficial
