ഇന്ത്യയ്ക്കെതിരെയുള്ള ആദ്യ മൂന്ന് മത്സരങ്ങള്‍ക്കുള്ള ടീം ദക്ഷിണാഫ്രിക്ക പ്രഖ്യാപിച്ചു. ലുംഗിസാനി ഗിഡി ആദ്യമായി ഏകദിന സ്ക്വാഡില്‍ ഇടം പിടിച്ചിട്ടുണ്ട്. മധ്യനിര ബാറ്റ്സ്മാന്‍ ഖായ സോണ്ടോയും ടീമിലേക്ക് രണ്ട് വര്‍ഷത്തിനു ശേഷം തിരികെ ഇടം പിടിച്ചിട്ടുണ്ട്. 2015ല്‍ ഇന്ത്യന്‍ പര്യടനത്തിനിടെയാണ് സോണ്ടോ അവസാനമായി ദക്ഷിണാഫ്രിക്കന്‍ സ്ക്വാഡിന്റെ ഭാഗമായി ഇടം പിടിച്ചത്. എന്നാല്‍ ഒരു മത്സരം പോലും താരം അന്ന് കളിച്ചിരുന്നില്ല. അന്ന് അത് കറുത്ത വര്‍ഗക്കാര്‍ക്കെതിരെയുള്ള അവഗണനായി മാധ്യമങ്ങള്‍ വിലയിരുത്തിയിരുന്നു.
സ്ക്വാഡ്: ഫാഫ് ഡു പ്ലെസി, ഹാഷിം അംല, ക്വിന്റണ്‍ ഡി കോക്ക്, എബി ഡി വില്ലിയേഴ്സ്, ജെപി ഡുമിനി, ഇമ്രാന്‍ താഹിര്‍, എയ്ഡന്‍ മാര്‍ക്രം, ഡേവിഡ് മില്ലര്‍, മോണേ മോര്‍ക്കല്‍, ക്രിസ് മോറിസ്, ലുംഗിസാനി ഗിഡി, ആന്‍ഡിലേ ഫെഹ്‍ലുക്വായോ, കാഗിസോ റബാഡ, തബ്രൈസ് ഷംസി, ഖായേലിഹ്ലേ സോണ്ടോ
കൂടുതൽ കായിക വാർത്തകൾക്ക് : www.facebook.com/FanportOfficial
