ഡാനിയേല്‍ ഹ്യൂജ്സ്(49*), നിക് മാഡിന്‍സണ്‍(31 പന്തില്‍ 62) എന്നിവരുടെ ബാറ്റിംഗ് മികവില്‍ തുടര്‍ച്ചയായ രണ്ടാം ജയം സ്വന്തമാക്കി സിക്സേര്‍സ്. ഇന്ന് നടന്ന മത്സരത്തില്‍ 8 വിക്കറ്റിനു മെല്‍ബേണ്‍ സ്റ്റാര്‍സിനെയാണ് സിക്സേര്‍സ് പരാജയപ്പെടുത്തിയത്. 92 റണ്‍സ് രണ്ടാം വിക്കറ്റ് കൂട്ടുകെട്ടാണ് ഹ്യൂജ്സ്-മാഡിന്‍സണ്‍ കൂട്ടുകെട്ട് നേടിയത്. 6 ബൗണ്ടറിയും 5 സിക്സും അടക്കമാണ് 62 റണ്‍സിലേക്ക് മാഡിന്‍സണ്‍ കുതിച്ചത്.
നേരത്തെ നഥാന്‍ ലയണിന്റെ ബൗളിംഗ് മികവിലാണ് സിക്സേര്‍സ് സ്റ്റാര്‍സിനെ 128 റണ്‍സില്‍ ഒതുക്കി നിര്‍ത്തിയത്. തന്റെ പ്രകടനത്തിനു ലയണ്‍ ആണ് മാന്‍ ഓഫ് ദി മാച്ചായി തിരഞ്ഞെടുക്കപ്പെട്ടത്.
കൂടുതൽ കായിക വാർത്തകൾക്ക് : www.facebook.com/FanportOfficial
