സീനിയര്‍ വനിത ടി20 ലീഗില്‍ വീണ്ടും കേരളത്തിന്റെ വിജയക്കുതിപ്പ്. ശക്തരായ കര്‍ണ്ണാടകയെ ഗ്രൂപ്പ് എ പ്ലേറ്റ് മത്സരത്തിലാണ് കേരളം ഇന്ന് പരാജയപ്പെടുത്തിയത്. അവസാന ഓവറില്‍ ജയിക്കാന്‍ 7 റണ്‍സ് വേണ്ടിയിരുന്ന കേരളം 2 പന്തുകള്‍ ബാക്കി നില്‍ക്കെയാണ് 7 വിക്കറ്റ് ജയം സ്വന്തമാക്കിയത്. ഗ്രൂപ്പില്‍ കേരളത്തിന്റെ നാലാം വിജയമാണിത്. 55 റണ്‍സ് നേടിയ ജിന്‍സി അവസാന ഓവറിന്റെ ആദ്യ പന്തില്‍ റണ്‍ഔട്ട് ആവുകയായിരുന്നു.
ടോസ് നേടി ബൗളിംഗ് തിരഞ്ഞെടുത്ത കേരളം കര്‍ണ്ണാടകയെ 20 ഓവറില്‍ 110 റണ്‍സില്‍ തളച്ചിടുകയായിരുന്നു. അഞ്ച് വിക്കറ്റ് നഷ്ടമായ കര്‍ണ്ണാടകയ്ക്കായി ശുഭ(41), രക്ഷിത(33) എന്നിവരാണ് തിളങ്ങിയത്. കേരളത്തിനായി മിന്നു മണി രണ്ടും സജന, ആശ എന്നിവര്‍ ഓരോ വിക്കറ്റും നേടി.
കൂടുതൽ കായിക വാർത്തകൾക്ക് : www.facebook.com/FanportOfficial
