ഇന്ത്യൻ സൂപ്പർ ലീഗിലെ (ISL) പ്രമുഖ താരം ഹ്യൂഗോ ബോമസ് ഒഡീഷ എഫ്സിയിൽ നിന്ന് മലേഷ്യൻ ക്ലബ്ബായ സെലങ്കൂർ എഫ്സിയിലേക്ക് വായ്പാ അടിസ്ഥാനത്തിൽ (loan) ചേരുന്നു. 2025/26 സീസണിന്റെ അവസാനം വരെയാണ് 30-കാരനായ ഈ മൊറോക്കൻ മിഡ്ഫീൽഡർ മലേഷ്യൻ ലീഗിൽ പന്തുതട്ടുക.
ഐഎസ്എല്ലിൽ എഫ്സി ഗോവ, മുംബൈ സിറ്റി, മോഹൻ ബഗാൻ, ഒഡീഷ എഫ്സി എന്നീ ടീമുകൾക്കായി കളിച്ചിട്ടുള്ള ബോമസ്, ലീഗിലെ ഏറ്റവും മികച്ച ക്രിയേറ്റീവ് മിഡ്ഫീൽഡർമാരിൽ ഒരാളായാണ് അറിയപ്പെടുന്നത്. തന്റെ കരിയറിലെ 240 മത്സരങ്ങളിൽ നിന്ന് 56 ഗോളുകളും 58 അസിസ്റ്റുകളും താരം സ്വന്തമാക്കിയിട്ടുണ്ട്.
കഴിഞ്ഞ സീസണിൽ ഒഡീഷ എഫ്സിക്കായി ആറ് ഗോളുകളും ഏഴ് അസിസ്റ്റുകളും നേടി മികച്ച പ്രകടനം നടത്തിയ താരം ഐഎസ്എൽ പുനരാരംഭിക്കുന്നതിന് തൊട്ടുമുൻപ് ക്ലബ്ബ് വിടുന്നത് ഇന്ത്യൻ ആരാധകരെ സംബന്ധിച്ചിടത്തോളം വലിയ നഷ്ടമാണ്.
