മുൻ ഇന്ത്യൻ വിക്കറ്റ് കീപ്പർ-ബാറ്റർ ദിനേശ് കാർത്തിക്കിനെ പുരുഷ വിഭാഗം ‘ദി ഹണ്ട്രഡ്’ ടീമായ ലണ്ടൻ സ്പിരിറ്റിന്റെ മെന്ററായും ബാറ്റിംഗ് പരിശീലകനായും നിയമിച്ചു. ഐപിഎല്ലിന് പുറത്തുള്ള ഒരു ഫ്രാഞ്ചൈസിയുമായി താരം ഏറ്റെടുക്കുന്ന ആദ്യത്തെ സപ്പോർട്ട്-സ്റ്റാഫ് റോളാണിത്.
2025 ലെ ഐപിഎല്ലിൽ റോയൽ ചലഞ്ചേഴ്സ് ബെംഗളൂരുവിൽ സമാന പദവി വഹിക്കുന്ന 40-കാരനായ താരം, ആദ്യ അഞ്ച് സീസണുകളിലും ഫൈനലിൽ എത്താൻ സാധിക്കാത്ത സ്പിരിറ്റ് ടീമിനെ ഉയർത്തിക്കൊണ്ടുവരാനായി മുഖ്യ പരിശീലകൻ ആൻഡി ഫ്ലവറിന്റെ നേതൃത്വത്തിലുള്ള ബാക്ക് റൂം ഗ്രൂപ്പിനൊപ്പം ചേരും.
