വെസ്റ്റ് ഇൻഡീസിനെതിരായ ടെസ്റ്റ് പരമ്പരയ്ക്കുള്ള ന്യൂസിലൻഡ് ടീമിനെ പ്രഖ്യാപിച്ചു; കെയ്ൻ വില്യംസൺ തിരിച്ചെത്തി

2025-27 ലോക ടെസ്റ്റ് ചാമ്പ്യൻഷിപ്പ് സൈക്കിളിലെ ന്യൂസിലൻഡിന്റെ ആദ്യ പരമ്പരയായ, വെസ്റ്റ് ഇൻഡീസിനെതിരായ മൂന്ന് ടെസ്റ്റ് മത്സരങ്ങൾക്കുള്ള 14 അംഗ ടീമിനെ ന്യൂസിലൻഡ് പ്രഖ്യാപിച്ചു. ഡിസംബർ 2, 2025-നാണ് പരമ്പര ആരംഭിക്കുന്നത്. സിംബാബ്‌വെയ്‌ക്കെതിരായ ടെസ്റ്റ് പരമ്പരയിൽ നിന്ന് വിട്ടുനിന്ന കെയ്ൻ വില്യംസൺ ടീമിലേക്ക് തിരിച്ചെത്തി. വില്യംസന്റെ തിരിച്ചുവരവ് ടീമിന് വലിയ ഉത്തേജനം നൽകുമെന്ന് ഹെഡ് കോച്ച് റോബ് വാൾട്ടർ അഭിപ്രായപ്പെട്ടു.

വില്യംസണോടൊപ്പം പേസ് ബൗളർമാരായ ജേക്കബ് ഡഫി, സാക്കറി ഫൗൾക്ക്സ്, ബ്ലെയർ ടിക്‌നർ എന്നിവരും ടീമിൽ ഇടം നേടിയിട്ടുണ്ട്. ഡഫിയും ഫൗൾക്ക്സും അവരുടെ ആദ്യ ലോക ടെസ്റ്റ് ചാമ്പ്യൻഷിപ്പ് മത്സരങ്ങൾ കളിക്കാൻ ഒരുങ്ങുകയാണ്. അതേസമയം, പ്രധാന കളിക്കാരായ കൈൽ ജാമിസൺ, ഗ്ലെൻ ഫിലിപ്സ്, മാറ്റ് ഫിഷർ, വിൽ ഓ’റൂർക്ക്, ബെൻ സിയേഴ്സ് തുടങ്ങിയവർ പരിക്ക് കാരണം ടീമിൽ നിന്ന് പുറത്തായി. ൽഗ്രോയിൻ പരിക്ക് ഭേദമായി ഡാരിൽ മിച്ചൽ ടീമിൽ തിരിച്ചെത്തി.

ടോം ലാഥമാണ് ന്യൂസിലൻഡ് ടീമിനെ നയിക്കുന്നത്. ടോം ബ്ലണ്ടൽ, മൈക്കിൾ ബ്രേസ്‌വെൽ, ഡെവോൺ കോൺവേ എന്നിവരും ടീമിലെ മറ്റ് പ്രമുഖരാണ്.

New Zealand’s Test squad for West Indies series –

Tom Latham (c), Tom Blundell (wk), Michael Bracewell, Devon Conway, Jacob Duffy, Zak Foulkes, Matt Henry, Daryl Mitchell, Rachin Ravindra, Mitchell Santner, Nathan Smith, Blair Tickner, Kane Williamson, Will Young.