പെർത്ത് സ്റ്റേഡിയത്തിൽ നടക്കുന്ന ആഷസ് പരമ്പരയിലെ ആദ്യ ടെസ്റ്റിൽ രണ്ടാം ദിനം ഉച്ചഭക്ഷണത്തിന് പിരിയുമ്പോൾ ഓസ്‌ട്രേലിയക്കെതിരെ ഇംഗ്ലണ്ട് 99 റൺസിന്റെ ശക്തമായ ലീഡിൽ. ആദ്യ ഇന്നിംഗ്സിൽ 172 റൺസിന് ഓൾ ഔട്ടായ ഇംഗ്ലണ്ട്, ഓസ്‌ട്രേലിയയെ 132 റൺസിന് പുറത്താക്കി 40 റൺസിന്റെ നേരിയ ലീഡ് നേടിയിരുന്നു. നിലവിൽ 15 ഓവറിൽ 1 വിക്കറ്റ് നഷ്ടത്തിൽ 59 റൺസ് എന്ന നിലയിലാണ് ഇംഗ്ലണ്ടിന്റെ രണ്ടാം ഇന്നിംഗ്സ് പുരോഗമിക്കുന്നത്.
സക്ക ക്രോളി പൂജ്യത്തിന് പുറത്തായി, മിച്ചൽ സ്റ്റാർക്കിന്റെ പന്തിൽ ക്യാച്ച് നൽകിയാണ് താരം പുറത്തായത്. ബെൻ ഡക്കറ്റ് 37 പന്തിൽ മൂന്ന് ബൗണ്ടറികളോടെ 28 റൺസ് നേടി മികച്ച പ്രകടനമാണ് കാഴ്ചവെക്കുന്നത്. ഒല്ലി പോപ്പ് 48 പന്തിൽ 24 റൺസുമായി മറുവശത്ത് പിന്തുണ നൽകി, 59 റൺസിന്റെ ഉറച്ച കൂട്ടുകെട്ടാണ് ഇവർ നേടിയത്. ജോ റൂട്ട്, ഹാരി ബ്രൂക്ക്, ക്യാപ്റ്റൻ ബെൻ സ്റ്റോക്സ് എന്നിവരുൾപ്പെടെയുള്ള പ്രധാന താരങ്ങൾ ഇനിയും കളിക്കാനുള്ള സാഹചര്യത്തിൽ ഇംഗ്ലണ്ടിന് നല്ല സ്കോറിലേക്ക് എത്താൻ ആകും എന്നാണ് പ്രതീക്ഷ.
