റിയാദ്: റൂബൻ നെവെസ് അൽ ഹിലാലുമായുള്ള തന്റെ കരാർ 2028 ജൂൺ വരെ ഔദ്യോഗികമായി നീട്ടി. ഇതോടെ താരത്തിന്റെ ഭാവിയെക്കുറിച്ചുള്ള ഊഹോപോഹങ്ങൾക്ക് വിരാമമായി. 2023 ജൂണിൽ വോൾവർഹാംപ്ടൺ വാണ്ടറേഴ്സിൽ നിന്ന് €55 മില്യൺ ട്രാൻസ്ഫർ ഫീസിലാണ് പോർച്ചുഗീസ് മിഡ്ഫീൽഡർ അൽ ഹിലാലിൽ ചേർന്നത്.
2026 പകുതിയോടെ അവസാനിക്കേണ്ടിയിരുന്ന ആദ്യ കരാർ അവസാനിക്കാറായ ഘട്ടത്തിലാണ് നീണ്ട ചർച്ചകൾക്ക് ശേഷം ക്ലബ്ബും നെവെസും പുതിയ കരാറിൽ ഒപ്പുവെച്ചത്. സൗദി ക്ലബ്ബിനായി ഇതുവരെ 103 മത്സരങ്ങളിൽ നിന്ന് 12 ഗോളുകളും 25 അസിസ്റ്റുകളും നേടി നെവെസ് ശ്രദ്ധേയമായ സ്വാധീനം ചെലുത്തിയിട്ടുണ്ട്.
