ന്യൂഡൽഹി: എഎഫ്‌സി ഏഷ്യൻ കപ്പ് 2027 യോഗ്യതാ മത്സരങ്ങൾക്കായി ഇന്ത്യൻ പുരുഷ ദേശീയ ഫുട്ബോൾ ടീം ഹെഡ് കോച്ച് ഖാലിദ് ജമീൽ 30 അംഗ സാധ്യതാ ടീമിനെ പ്രഖ്യാപിച്ചു. സിംഗപ്പൂരിനെതിരായ മത്സരങ്ങൾക്കായുള്ള മുന്നൊരുക്ക ക്യാമ്പ് സെപ്റ്റംബർ 20-ന് ബെംഗളൂരുവിൽ ആരംഭിക്കും. കളിക്കാർ ഒരു ദിവസം മുമ്പ് റിപ്പോർട്ട് ചെയ്യും.
പരിചയസമ്പത്തും യുവത്വവും ഒരുമിക്കുന്നതാണ് ടീം. മുന്നേറ്റ നിരയിൽ നായകൻ സുനിൽ ഛേത്രി തിരികെയെത്തി. കൂടാതെ വിക്രം പ്രതാപ് സിംഗ്, പാർഥിബ് ഗോഗോയ് തുടങ്ങിയ യുവതാരങ്ങളുണ്ട്. ഗോൾകീപ്പിങ് ദൗത്യങ്ങൾ പരിചയസമ്പന്നരായ ഗുർപ്രീത് സിംഗ് സന്ധുവും അമരീന്ദർ സിംഗും പങ്കിടും. ഏഴ് മലയാളികൾ ടീമിൽ ഉണ്ട്. കാഫ കപ്പിൽ കളിച്ച ഉവൈസ്, ആശിഖ്, ജിതിൻ എന്നിവരെ കൂടാതെ അണ്ടർ 23ക്ക് വേണ്ടി തിളങ്ങിയ ഐമൻ, വിബിൻ, സുഹൈൽ, സനാൻ എന്നിവരും ടീമിൽ എത്തി.
ഒക്ടോബർ 9-ന് സിംഗപ്പൂരിൽ നടക്കുന്ന എവേ മത്സരത്തിനും ഒക്ടോബർ 14-ന് ഗോവയിലെ മഡ്ഗാവിലുള്ള ഹോം മത്സരത്തിനും മുമ്പായി ഈ ടീമിൽ നിന്ന് അന്തിമ സ്ക്വാഡിനെ തിരഞ്ഞെടുക്കും.
അതേസമയം, മോഹൻ ബഗാൻ എസ്ജി, എഫ്‌സി ഗോവ എന്നീ ക്ലബ്ബുകളിലെ താരങ്ങൾ എഎഫ്‌സി ചാമ്പ്യൻസ് ലീഗ് ടു മത്സരങ്ങൾ കാരണം പിന്നീട് ക്യാമ്പിൽ ചേരും. രണ്ട് അണ്ടർ 23 താരങ്ങൾ ഉൾപ്പെടെ അഞ്ച് കളിക്കാരെ സ്റ്റാൻഡ്ബൈ ലിസ്റ്റിൽ ഉൾപ്പെടുത്തിയിട്ടുണ്ട്. ഇവരുടെ പേരുകൾ പിന്നീട് പ്രഖ്യാപിക്കും.
Goalkeepers: Amrinder Singh, Gurmeet Singh, Gurpreet Singh Sandhu.
Defenders: Anwar Ali, Bikash Yumnam, Chinglensana Singh Konsham, Hmingthanmawia Ralte, Muhammed Uvais, Pramveer, Rahul Bheke, Ricky Meetei Haobam, Roshan Singh Naorem.
Midfielders: Ashique Kuruniyan, Danish Farooq Bhat, Jeakson Singh Thounaojam, Jithin MS, Macarton Louis Nickson, Mahesh Singh Naorem, Mohammed Aimen, Nikhil Prabhu, Suresh Singh Wangjam, Vibin Mohanan.
Forwards: Irfan Yadwad, Lallianzuala Chhangte, Manvir Singh (jr), Mohammed Sanan K, Muhammed Suhail, Parthib Gogoi, Sunil Chhetri, Vikram Partap Singh.
