ലിവർപൂളിൽ നടന്ന 2025-ലെ ലോക ബോക്സിങ് ചാമ്പ്യൻഷിപ്പിൽ വനിതകളുടെ 57 കിലോഗ്രാം വിഭാഗത്തിൽ ഇന്ത്യൻ താരം ജെയ്‌സ്‌മിൻ ലംബോറിയ സ്വർണ മെഡൽ നേടി ചരിത്രം കുറിച്ചു. ഫൈനലിൽ പോളണ്ടിന്റെ ജൂലിയ സെറെമെറ്റയെ 4-1 എന്ന സ്പ്ലിറ്റ് ഡിസിഷനിലൂടെയാണ് ജെയ്‌സ്‌മിൻ തോൽപ്പിച്ചത്. 2024 പാരിസ് ഒളിമ്പിക്സിൽ വെള്ളി മെഡൽ ജേതാവാണ് ജൂലിയ സെറെമെറ്റ. ഈ ചാമ്പ്യൻഷിപ്പിൽ ഇന്ത്യയുടെ ആദ്യത്തെ സ്വർണമാണിത്. ജെയ്‌സ്‌മിന്റെ കന്നി ലോക കിരീടനേട്ടം കൂടിയാണ് ഇത്.
ഈ വിജയം ജെയ്‌സ്‌മിൻ്റെ വ്യക്തിപരമായ നേട്ടം മാത്രമല്ല, പാരിസ് ഒളിമ്പിക്സിന് ശേഷമുള്ള ഇന്ത്യൻ ബോക്സിങ്ങിന് ഇത് വലിയൊരു ഊർജ്ജം കൂടിയാണ്.
