മുൻ താരം ലൂക്കാസ് ഫാബിയാൻസ്കിയെ ഒരു വർഷത്തെ കരാറിൽ വെസ്റ്റ് ഹാം യുണൈറ്റഡ് തിരികെ കൊണ്ടുവന്നു. ഫ്രീ ഏജന്റായി ക്ലബ് വിട്ട് ഏതാനും മാസങ്ങൾ മാത്രം പിന്നിടുമ്പോഴാണ് പോളണ്ട് ഗോൾകീപ്പർ ക്ലബ്ബിലേക്ക് മടങ്ങിയെത്തുന്നത്.
ഏഴ് വർഷം നീണ്ട തന്റെ കരിയറിൽ 216 മത്സരങ്ങളിൽ ഈ 40-കാരൻ വെസ്റ്റ് ഹാമിനായി കളിച്ചിട്ടുണ്ട്. വെസ് ഫോഡറിംഗ്ഹാം അരിസ് ലിമാസോളിലേക്ക് മാറിയതോടെ രണ്ട് സീനിയർ ഗോൾകീപ്പർമാർ മാത്രമുണ്ടായിരുന്ന വെസ്റ്റ് ഹാമിന് ഫാബിയാൻസ്കിയുടെ മടങ്ങി വരവ് വലിയ ആശ്വാസമാകും.
ഫാബിയാൻസ്കിയുടെ പ്രൊഫഷണലിസത്തെയും ഡ്രെസ്സിങ് റൂമിലെ സ്വാധീനത്തെയും മാനേജർ ഗ്രഹാം പോട്ടർ പ്രശംസിച്ചു.
