ഏഷ്യാ കപ്പിനായുള്ള യു എ ഇ ടീം പ്രഖ്യാപിച്ചു

ദുബായിയിലും അബുദാബിയിലുമായി സെപ്റ്റംബർ 9-ന് ആരംഭിക്കുന്ന ഏഷ്യാ കപ്പ് 2025-നുള്ള 17 അംഗ ടീമിനെ യുഎഇ പ്രഖ്യാപിച്ചു. മുഹമ്മദ് വസീം നയിക്കുന്ന യുഎഇ, ഇന്ത്യ, പാക്കിസ്ഥാൻ, ഒമാൻ എന്നിവരടങ്ങിയ ഗ്രൂപ്പ് എയിൽ ശക്തമായ പ്രകടനം കാഴ്ചവെക്കാനാണ് ലക്ഷ്യമിടുന്നത്. 32-കാരനായ പേസർ മതിയുള്ള ഖാൻ, ഇടംകൈയ്യൻ സ്പിന്നറായ സിമ്രാൻജീത് സിംഗ് എന്നിവരുടെ മടങ്ങിവരവാണ് ടീമിലെ പ്രധാന ആകർഷണം. ഇരുവരും ഇടവേളയ്ക്ക് ശേഷമാണ് ദേശീയ ടീമിൽ തിരിച്ചെത്തുന്നത്.

മതിയുള്ള അവസാനമായി യുഎഇ ടീമിനായി കളിച്ചത് ജൂലൈയിൽ നൈജീരിയയ്‌ക്കെതിരെയാണ്. സിമ്രാൻജീത് സിംഗ് കഴിഞ്ഞ വർഷം അവസാനം നടന്ന ഗൾഫ് ടി20ഐ ചാമ്പ്യൻഷിപ്പിൽ പങ്കെടുത്തിരുന്നു. ഇന്ത്യയെയും പാക്കിസ്ഥാനെയും പോലെയുള്ള വമ്പൻമാർക്കെതിരെ അവരുടെ പരിചയസമ്പത്ത് നിർണായകമാകും. 2016-ലാണ് യുഎഇ ഇതിന് മുൻപ് ഏഷ്യാ കപ്പിൽ പങ്കെടുത്തത്.

സെപ്റ്റംബർ 10-ന് ദുബായിയിൽ ഇന്ത്യയ്‌ക്കെതിരെയാണ് യുഎഇയുടെ ആദ്യ മത്സരം.

UAE squad for Asia Cup

Muhammad Waseem (capt), Alishan Sharafu, Aryansh Sharma (wk), Asif Khan, Dhruv Parashar, Ethan D’Souza, Haider Ali, Harshit Kaushik, Junaid Siddique, Matiullah Khan, Muhammad Farooq, Muhammad Jawadullah, Muhammad Zohaib, Rahul Chopra (wk), Rohid Khan, Simranjeet Singh and Saghir Khan