ക്രിസ്റ്റൽ പാലസ് ക്യാപ്റ്റൻ ആയ ഇംഗ്ലീഷ് പ്രതിരോധ താരം മാർക് ഗുയെഹിക്ക് ആയി 35 മില്യൺ പൗണ്ടിന്റെ ഓഫർ മുന്നോട്ട് വെച്ചു ലിവർപൂൾ. നിലവിൽ പാലസ് ഇതിനു പ്രതികരിച്ചിട്ടില്ല. 25 കാരനായ താരവും ആയി നേരത്തെ തന്നെ ധാരണയിൽ എത്തിയ ലിവർപൂൾ താരത്തിലുള്ള താൽപ്പര്യം നേരത്തെ ഏതാണ്ട് പരസ്യമാക്കിയത് ആണ്. ക്ലബ് വിടാൻ നേരത്തെ താൽപ്പര്യം പ്രകടിപ്പിച്ച താരത്തിനുള്ള ഈ ഓഫർ പാലസ് സ്വീകരിക്കുമോ എന്നുറപ്പില്ല. പ്രതിരോധം ശക്തമാക്കാൻ ആണ് ലിവർപൂൾ ശ്രമം.
ചെൽസി അക്കാദമി താരം ആയിരുന്ന ഗുയെഹി സ്വാൻസി സിറ്റിയിലെ ലോണിന് ശേഷം 2021 ൽ ആണ് പാലസിൽ ചേരുന്നത്. തുടർന്ന് അവരുടെ പ്രധാന താരമായി വളർന്ന താരം അവരുടെ കഴിഞ്ഞ വർഷത്തെ എഫ്.എ കപ്പ് നേട്ടത്തിൽ നിർണായക പങ്ക് ആണ് വഹിച്ചത്. 5 സീസണുകളിൽ ആയി 161 മത്സരങ്ങൾ പാലസിന് ആയി കളിച്ച താരത്തിന് 134 മത്സരങ്ങളുടെ പ്രീമിയർ ലീഗ് പരിചയവും ഉണ്ട്. താരത്തെ ട്രാൻസ്ഫർ ജാലകം അവസാനിക്കും മുമ്പ് സ്വന്തമാക്കാൻ തന്നെയാവും ലിവർപൂൾ ശ്രമം.
