സിംബാബ്‍വേ – ശ്രീലങ്ക ഏകദിന പരമ്പരയിലെ ആദ്യ മത്സരത്തിൽ ഏഴ് റൺസിന്റെ വിജയം നേടി ശ്രീലങ്ക. ഹരാരെയിൽ നടന്ന മത്സരത്തിൽ ആദ്യം ബാറ്റ് ചെയ്ത ശ്രീളങ്ക 298/6 എന്ന സ്കോര്‍ നേടിയപ്പോള്‍ സിംബാബ്‍വേയ്ക്ക് എട്ട് വിക്കറ്റ് നഷ്ടത്തിൽ 291 റൺസ് മാത്രമേ നേടാനായുള്ളു. അവസാന ഓവറിൽ 10 റൺസ് നേടേണ്ട ഘട്ടത്തിൽ സിംബാബ്‍വേയ്ക്ക് തിരിച്ചടിയായത് ദിൽഷന്‍ മധുശങ്കയുടെ ഹാട്രിക്ക് നേട്ടമാണ്.
പതും നിസ്സങ്ക 76 റൺസ് നേടി ശ്രീലങ്കയുടെ ടോപ് ഓര്‍ഡറിൽ തിളങ്ങിയപ്പോള്‍ കുശൽ മെന്‍ഡിസ് (38), സദീര സമരവിക്രമ (35) എന്നിവരാണ് മധ്യനിരയിൽ നിര്‍ണ്ണായക സംഭാവന നൽകിയത്. എന്നാൽ മത്സരത്തിൽ ശ്രീലങ്കയ്ക്ക് മികച്ച സ്കോര്‍ നൽകിയത് ജനിത് ലിയാനാഗേയും കമിന്‍ഡു മെന്‍ഡിസും ചേര്‍ന്നാണ്. ലിയാനാഗേ 47 പന്തിൽ 70 റൺസ് നേടിയപ്പോള്‍ കമിന്‍ഡു മെന്‍ഡിസ് 36 പന്തിൽ 57 റൺസ് നേടി.
മറുപടി ബാറ്റിംഗിൽ സിക്കന്ദര്‍ റാസ 92 റൺസും ഷോൺ വില്യംസ് 57 റൺസും ശ്രീലങ്കയ്ക്കായി നേടിയപ്പോള്‍ ഓപ്പണര്‍ ബെന്‍ കറന്‍ 70 റൺസ് നേടി. ടോണി മുന്‍യോംഗ 43 റൺസ് നേടി പുറത്താകാതെ നിന്നുവെങ്കിലും ശ്രീലങ്കയുടെ ദിൽഷന്‍ മധുശങ്ക നേടിയ നാല് വിക്കറ്റുകളാണ് മത്സരഗതി മാറ്റിയത്.
അവസാന ഓവറിലെ ഹാട്രിക്ക് ഉള്‍പ്പെടെ താരം ഈ നേട്ടം കൊയ്തപ്പോള്‍ വിജയത്തിലേക്ക് കുതിയ്ക്കുകയായിരുന്നു സിംബാബ്‍വേ. 92 റൺസ് നേടിയ സിക്കന്ദര്‍ റാസയെ അവസാന ഓവറിലെ ആദ്യ പന്തിൽ പുറത്താക്കിയ മധുശങ്ക ബ്രാഡ് ഇവാന്‍സ്, റിച്ചാര്‍ഡ് ഇവാന്‍സ് എന്നിവരെ പുറത്താക്കി തന്റെ ഹാട്രിക്ക് നേട്ടം സ്വന്തമാക്കി. അസിത ഫെര്‍ണാണ്ടോ 3 വിക്കറ്റ് നേടി.
