ഇന്ത്യൻ ഫുട്ബോളിന്റെ പുതിയ പരിശീലകൻ ഖാലിദ് ജമീൽ, CAFA നേഷൻസ് കപ്പിനുള്ള തന്റെ ആദ്യ ഇന്ത്യൻ ടീമിനെ പ്രഖ്യാപിച്ചു. എന്നാൽ, ടൂർണമെന്റിനായി കളിക്കാരെ വിട്ടുനൽകാൻ മോഹൻ ബഗാൻ സൂപ്പർ ജയന്റ്സ് വിസമ്മതിച്ചതിനാൽ, അനിരുദ്ധ് താപ്പ, ലിസ്റ്റൺ കൊളാക്കോ, സഹൽ അബ്ദുൽ സമദ് തുടങ്ങിയ പ്രമുഖ താരങ്ങൾ ടീമിൽ നിന്ന് പുറത്തായി. ഏഷ്യയിലെ ശക്തരായ എതിരാളികളെ നേരിടാൻ ഇന്ത്യ തയ്യാറെടുക്കുമ്പോൾ ഈ താരങ്ങളുടെ അഭാവം വലിയ ചർച്ചകൾക്ക് വഴിവെച്ചിരിക്കുകയാണ്.
മോഹൻ ബഗാൻ താരങ്ങളുടെ അഭാവം ശ്രദ്ധേയമായപ്പോൾ, ഈസ്റ്റ് ബംഗാളിന്റെ താരങ്ങൾ ടീമിൽ സജീവമായി ഇടം നേടി. പരിചയസമ്പന്നനായ ഗോൾകീപ്പർ ഗുർപ്രീത് സിംഗ് സന്ധു ടീമിൽ തിരിച്ചെത്തി. യുവതാരങ്ങൾക്ക് പ്രാധാന്യം നൽകുന്ന ഖാലിദ് ജമീലിന്റെ സമീപനമാണ് ഈ ടീം തിരഞ്ഞെടുപ്പിൽ കാണാൻ സാധിക്കുന്നത്. ഇന്ത്യൻ ഫുട്ബോളിന്റെ അടുത്ത അധ്യായം യുവതാരങ്ങളെ മുൻനിർത്തിയായിരിക്കും എന്ന സൂചന നൽകിക്കൊണ്ട് സുനിൽ ഛേത്രിയെയും ടീമിൽ നിന്ന് ഒഴിവാക്കിയിട്ടുണ്ട്.
ആഷിഖ് കുരുണിയൻ, ഉവൈസ്, ജിതിൻ എം എസ് എന്നീ മലയാളി താരങ്ങൾ സ്ക്വാഡിൽ ഉണ്ട്.
India Squad for CAFA Nations Cup 2025
Gurpreet Singh Sandhu, Amrinder Singh, Hrithik Tiwari, Rahul Bheke, Naorem Roshan Singh, Anwar Ali, Sandesh Jhingan, Chinglensana Singh, Hmingthanmawia Ralte, Muhammed Uvais, Nikhil Prabhu, Suresh Singh Wangjam, Danish Farooq Bhat, Jeakson Singh, Boris Singh, Ashique Kuruniyan, Udanta Singh, Naorem Mahesh Singh, Irfan Yadwad, Manvir Singh (Jr.), Jithin MS, Lallianzuala Chhangte, Vikram Partap Singh.
