ഇന്ത്യൻ ഫുട്‌ബോളിന് ചരിത്രനിമിഷം, വരാനിരിക്കുന്ന എഎഫ്‌സി ചാമ്പ്യൻസ് ലീഗ് ടൂ ഗ്രൂപ്പ് ഘട്ടത്തിൽ ഇന്ത്യൻ ക്ലബ്ബ് എഫ്‌സി ഗോവ, സൂപ്പർസ്റ്റാർ ക്രിസ്റ്റ്യാനോ റൊണാൾഡോയുടെ ക്ലബ്ബായ അൽ നാസറിനൊപ്പം ഒരേ ഗ്രൂപ്പിൽ ഇടം നേടി. ഗ്രൂപ്പ് ഡിയിൽ എഫ്‌സി ഗോവ, അൽ നാസർ, ഇറാഖി ക്ലബ്ബായ അൽ സവ്‌റ എസ്‌സി, താജിക് ക്ലബ്ബായ എഫ്‌സി ഇസ്‌തിക്ലോൽ എന്നിവർ മത്സരിക്കും.
ഇതോടെ, ഫുട്ബോൾ ചരിത്രത്തിലെ ഏറ്റവും മികച്ച കളിക്കാരിലൊരാളായ റൊണാൾഡോ ഗോവയിലെ മണ്ണിൽ കളിക്കുന്നത് കാണാൻ ഇന്ത്യൻ ആരാധകർക്ക് സാധ്യതയേറി. ഒമാൻ ക്ലബ്ബായ അൽ സീബിനെതിരായ ആവേശകരമായ വിജയത്തിന് ശേഷമാണ് എഫ്‌സി ഗോവയുടെ യോഗ്യത. എഫ്‌സി ഗോവയും മോഹൻ ബഗാൻ സൂപ്പർ ജയന്റും ഈ ടൂർണമെന്റിൽ ഇന്ത്യയെ പ്രതിനിധീകരിക്കും.
AFC Champions League Group Stage Draw
(India clubs)
Group C: Sepahan SC (IRN), Al Hussein (JOR), Mohun Bagan Super Giant (IND), Ahal FC (TKM)
Group D: Al Nassr Club (KSA), Al Zawraa SC (IRQ), FC Istiklol (TJK) and FC Goa (IND)
