മാഞ്ചസ്റ്റർ സിറ്റിയുടെ യുവ മിഡ്ഫീൽഡർ ജെയിംസ് മക്ആറ്റിയെ സ്വന്തമാക്കാൻ നോട്ടിങ്ഹാം ഫോറസ്റ്റ് 30 മില്യൺ പൗണ്ടിന്റെ കരാർ ധാരണയിലെത്തി. 22-കാരനായ താരത്തെ സ്ഥിരമായി ടീമിലെത്തിക്കുന്ന ഈ കരാറിൽ ഒരു ‘സെൽ-ഓൺ’, ‘ബൈ-ബാക്ക്’ ക്ലോസുകളും ഉൾപ്പെടുന്നുണ്ട്.
ഇംഗ്ലണ്ടിലെയും ജർമനിയിലെയും പ്രമുഖ ക്ലബ്ബുകളായ ഐൻട്രാക്റ്റ് ഫ്രാങ്ക്ഫുർട്ട് ഉൾപ്പെടെ പല ക്ലബ്ബുകളും മക്ആറ്റിക്കായി ശ്രമിച്ചിരുന്നു. എന്നാൽ നോട്ടിങ്ഹാം ഫോറസ്റ്റ് വിജയം കാണുകയായിരുന്നു.
മിഡ്ഫീൽഡിൽ No. 8 അല്ലെങ്കിൽ No. 10 സ്ഥാനങ്ങളിൽ കളിക്കാൻ കഴിവുള്ള മക്ആറ്റി, ഡാനിലോയുടെയും ലൂയിസ് ഒബ്രിയന്റെയും ഒഴിവുകൾ നികത്തും.
കഴിഞ്ഞ സീസണിൽ പ്രീമിയർ ലീഗിൽ കുറഞ്ഞ മത്സരങ്ങളിലാണ് കളിച്ചതെങ്കിലും, എല്ലാ മത്സരങ്ങളിലുമായി 27 തവണ കളത്തിലിറങ്ങുകയും ഏഴ് ഗോളുകൾ നേടുകയും ചെയ്തിട്ടുണ്ട്.
