ഗോൾകീപ്പർ ജിയാൻലൂയിജി ഡൊണ്ണരുമയെ സ്വന്തമാക്കുന്നതുമായി ബന്ധപ്പെട്ട് മാഞ്ചസ്റ്റർ സിറ്റി പിഎസ്ജിയുമായി (PSG) ചർച്ച നടത്തി. ഡൊണ്ണറുമയ്ക്കായി ഏകദേശം 50 ദശലക്ഷം യൂറോയാണ് പിഎസ്ജി ആവശ്യപ്പെടുന്നത്. ഇത് സിറ്റി നിലവിൽ ഉയർന്ന തുകയായി കണക്കാക്കുന്നു.
സിറ്റിയുടെ ഗോൾകീപ്പറായ എഡേഴ്സൺ ക്ലബ് വിടാൻ സാധ്യതയുണ്ട്. എഡേഴ്സൺ പോവുകയാണെങ്കിൽ മാത്രമേ ഡൊണ്ണറുമയെ സ്വന്തമാക്കുന്നതിനെക്കുറിച്ച് സിറ്റി ആലോചിക്കുകയുള്ളു.
നേരത്തെ പ്രചരിച്ചിരുന്ന അഭ്യൂഹങ്ങൾക്കിടയിലും ഇറ്റാലിയൻ ഗോൾകീപ്പർക്കായി ചെൽസി രംഗത്തില്ല. പിഎസ്ജിയിൽ ഡൊണ്ണറുമയുടെ ഭാവി അനിശ്ചിതത്വത്തിലാണ്. അടുത്ത ദിവസങ്ങളിൽ താരം തന്റെ നിലപാട് വ്യക്തമാക്കുമെന്ന് പ്രതീക്ഷിക്കുന്നു. പിഎസ്ജിയിൽ ഡൊണ്ണറുമയ്ക്ക് പ്രാധാന്യം കുറഞ്ഞതിനാൽ താരം ക്ലബ് വിടുമെന്ന് റിപ്പോർട്ടുകളുണ്ട്. പകരക്കാരനായി ലൂക്കാസ് ഷെവലിയറെ പിഎസ്ജി ഇതിനോടകം സ്വന്തമാക്കിയിരുന്നു.
