ഡാനിഷ് ഗോൾകീപ്പർ മാഡ്‌സ് ഹെർമാൻസനെ വെസ്റ്റ് ഹാം യുണൈറ്റഡ് സ്വന്തമാക്കി. 19 മില്യൺ യൂറോയുടെ കരാറിൽ ലെസ്റ്റർ സിറ്റിയിൽ നിന്നാണ് താരം വെസ്റ്റ് ഹാമിലെത്തുന്നത്. 25-കാരനായ ഹെർമാൻസൻ ലണ്ടനിൽ മെഡിക്കൽ പരിശോധനകൾക്ക് വിധേയനായി. ഗ്രഹാം പോട്ടർക്ക് കീഴിൽ പുതിയ സീസൺ ആരംഭിക്കുന്നതിന് മുന്നോടിയായി ഗോൾകീപ്പിംഗ് നിര ശക്തമാക്കുകയാണ് ഈ ട്രാൻസ്ഫറിലൂടെ വെസ്റ്റ് ഹാം ലക്ഷ്യമിടുന്നത്.
ലെസ്റ്റർ സിറ്റിയിൽ മികച്ച പ്രകടനം കാഴ്ച വെച്ച ഹെർമാൻസൻ, ഈ സമ്മർ ട്രാൻസ്ഫർ വിൻഡോയിൽ വെസ്റ്റ് ഹാമിന്റെ പ്രധാന ലക്ഷ്യങ്ങളിൽ ഒരാളായിരുന്നു.
