സിംബാബ്‍വേയ്ക്കെതിരെയുള്ള അവസാനത്തെ ടെസ്റ്റിനുള്ള ന്യൂസിലാണ്ട് ടീമിൽ എത്തി സാക്ക് ഫൗള്‍ക്സ്. ഇത് ആദ്യമായാണ് ടെസ്റ്റ് ടീമിലേക്ക് താരത്തിനെ വിളിക്കുന്നത്. ആദ്യ ടെസ്റ്റിനിടെ ഓള്‍റൗണ്ടര്‍ നഥാന്‍ സ്മിത്തിന് പരിക്കേറ്റതോടെയാണ് സിംബാബ്‍വേയ്ക്കെതിരെയുള്ള ന്യൂസിലാണ്ടിന്റെ രണ്ടാമത്തെയും അവസാനത്തെയും ടെസ്റ്റ് ടീമിലേക്ക് സാക്കിനെ പരിഗണിച്ചത്.
അടുത്തിടെ സിംബാബ്‍വേയ്ക്കും ദക്ഷിണാഫ്രിക്കയ്ക്കും എതിരെയുള്ള ത്രിരാഷ്ട്ര ടി20 പരമ്പരയിൽ കളിച്ച താരമാണ് സാക്ക് ഫൗള്‍ക്സ്. ആദ്യ ടെസ്റ്റിൽ 7 വിക്കറ്റ് വിജയം ന്യൂസിലാണ്ട് കരസ്ഥമാക്കിയപ്പോള്‍ രണ്ടാം ടെസ്റ്റ് ഓഗസ്റ്റ് 7ന് ബുൽവായോയിൽ നടക്കും.
