ലിവർപൂൾ എഫ്.സി. 2025/26 സീസണിലേക്കുള്ള ഹോം, എവേ ജേഴ്സികൾ പുറത്തിറക്കി. ക്ലബ്ബിന്റെ ചരിത്രത്തെ ഓർമ്മിപ്പിക്കുന്നതും എന്നാൽ പുതിയ ഡിസൈനുകളുള്ളതുമായ ജേഴ്സികൾ ആരാധകരെ ആവേശത്തിലാഴ്ത്തിയിരിക്കുകയാണ്.
പുതിയ ഹോം ജേഴ്സി ഡാർക്ക് സ്ട്രോബെറി റെഡ് നിറത്തിലുള്ളതാണ്. തോളുകളിൽ വെളുത്ത അഡിഡാസ് വരകളുണ്ട്, ഇത് ജേഴ്സിക്ക് ഒരു ക്ലാസിക് ലുക്ക് നൽകുന്നു. ഇതിന് പുറമെ നെഞ്ചിൽ ലിവർ ബേർഡ് എംബ്ലവും, സ്ലീവുകളിലും കോളറിലും വെളുത്ത നിറത്തിലുള്ള നേർത്ത ഡിസൈനുകളുമുണ്ട്. ലിവർപൂളിന്റെ സുവർണ്ണ കാലഘട്ടങ്ങളെ ഓർമ്മിപ്പിക്കുംവിധമാണ് ഈ കിറ്റ് ഒരുക്കിയിട്ടുള്ളത്.
ക്രീം ഓഫ്-വൈറ്റ് നിറത്തിലുള്ളതാണ് എവേ കിറ്റ്. ഇതിൽ ചുവപ്പും നേർത്ത കറുപ്പും നിറങ്ങളിലുള്ള ഡിസൈനുകളുണ്ട്. 1892-ൽ ക്ലബ്ബ് സ്ഥാപിച്ച സമയത്തെ ആൻഫീൽഡ് സ്റ്റേഡിയത്തിലെ പ്രധാന സ്റ്റാൻഡിനെ ഓർമ്മിപ്പിക്കുന്ന പ്രത്യേക ലിവർ ബേർഡ് ക്രെസ്റ്റാണ് ഈ ജേഴ്സിയുടെ പ്രധാന ആകർഷണം. പഴമയെയും പുതുമയെയും ഒരുപോലെ യോജിപ്പിക്കുന്ന ഈ കിറ്റ് എവേ മത്സരങ്ങൾക്കായി ടീമിനെ പിന്തുടരുന്ന ആരാധകർക്ക് ഏറെ ഇഷ്ടമാകും.
