തിരുവനന്തപുരം: കേരളത്തിലെ ക്രിക്കറ്റ് പ്രേമികളുടെ കാത്തിരിപ്പിന് വിരാമമിട്ട് കേരള ക്രിക്കറ്റ് ലീഗിന്റെ രണ്ടാം സീസണിലെ സമ്പൂർണ്ണ മത്സരക്രമം പ്രഖ്യാപിച്ചു. ദിവസവും രണ്ട് മത്സരങ്ങൾ വീതമാണ് നടക്കുക.
ഓഗസ്റ്റ് 21-ന് ആരംഭിക്കുന്ന ടൂർണമെന്റ് സെപ്റ്റംബർ 6-ന് നടക്കുന്ന ഗംഭീര ഫൈനലോടെ സമാപിക്കും. ഏരീസ് കൊല്ലം സെയിലേഴ്സ്, കാലിക്കറ്റ് ഗ്ലോബ്സ്റ്റാർസ്, അദാനി ട്രിവാൻഡ്രം റോയൽസ്, കൊച്ചി ബ്ലൂ ടൈഗേഴ്സ്, തൃശൂർ ടൈറ്റൻസ്, ആലപ്പി റിപ്പിൾസ് എന്നിവയുൾപ്പെടെ പ്രമുഖ ടീമുകളാണ് കിരീടത്തിനായി പോരാടുന്നത്.
ടൂർണമെന്റിന്റെ ഉദ്ഘാടന ദിവസമായ ഓഗസ്റ്റ് 21-ന് രണ്ട് മത്സരങ്ങൾ അരങ്ങേറും. ഉച്ചകഴിഞ്ഞ് 2:30-ന് നടക്കുന്ന ആദ്യ മത്സരത്തിൽ ഏരീസ് കൊല്ലം സെയിലേഴ്സ് കാലിക്കറ്റ് ഗ്ലോബ്സ്റ്റാർസിനെ നേരിടും. തുടർന്ന് വൈകിട്ട് 7:45-ന് അദാനി ട്രിവാൻഡ്രം റോയൽസ് കൊച്ചി ബ്ലൂ ടൈഗേഴ്സുമായി ഏറ്റുമുട്ടും.
സെപ്റ്റംബർ 4 വരെ നീണ്ടുനിൽക്കുന്ന ലീഗ് ഘട്ട മത്സരത്തിൽ ഓഗസ്റ്റ് 22 ന് ആലപ്പി റിപ്പിൾസ് തൃശൂർ ടൈറ്റൻസിനെയും (2:30 PM), ഏരീസ് കൊല്ലം സെയിലേഴ്സ് അദാനി ട്രിവാൻഡ്രം റോയൽസിനെയും (6:45 PM) നേരിടും.
ഓഗസ്റ്റ് 23 ന് കൊച്ചി ബ്ലൂ ടൈഗേഴ്സ് ആലപ്പി റിപ്പിൾസിനെയും (2:30 PM), തൃശൂർ ടൈറ്റൻസ് കാലിക്കറ്റ് ഗ്ലോബ്സ്റ്റാർസിനെയും (6:45 PM) നേരിടും.
ഓഗസ്റ്റ് 24 ന് കാലിക്കറ്റ് ഗ്ലോബ്സ്റ്റാർസ് അദാനി ട്രിവാൻഡ്രം റോയൽസുമായും (2:30 PM), കൊച്ചി ബ്ലൂ ടൈഗേഴ്സ് ഏരീസ് കൊല്ലം സെയിലേഴ്സുമായും
(6:45 PM) ഏറ്റുമുട്ടും.
25 ന് ഏരീസ് കൊല്ലം സെയിലേഴ്സ് തൃശൂർ ടൈറ്റൻസിനെയും (2:30 PM), ആലപ്പി റിപ്പിൾസ് അദാനി ട്രിവാൻഡ്രം റോയൽസിനെയും (6:45 PM) നേരിടും.
26 ന് നടക്കുന്ന മത്സരത്തിൽ തൃശൂർ ടൈറ്റൻസ് കൊച്ചി ബ്ലൂ ടൈഗേഴ്സിനെയും (2:30 PM), ആലപ്പി റിപ്പിൾസ് കാലിക്കറ്റ് ഗ്ലോബ്സ്റ്റാർസിനെയും (6:45 PM) നേരിടും.
27 ന് കാലിക്കറ്റ് ഗ്ലോബ്സ്റ്റാർസ് കൊച്ചി ബ്ലൂ ടൈഗേഴ്സുമായും (2:30 PM), അദാനി ട്രിവാൻഡ്രം റോയൽസ് തൃശൂർ ടൈറ്റൻസുമായും (6:45 PM) മത്സരിക്കും.
28 ന് കൊച്ചി ബ്ലൂ ടൈഗേഴ്സ് അദാനി ട്രിവാൻഡ്രം റോയൽസിനെയും (2:30 PM), ഏരീസ് കൊല്ലം സെയിലേഴ്സ് ആലപ്പി റിപ്പിൾസിനെയും (6:45 PM) നേരിടും.
29 ന് തൃശൂർ ടൈറ്റൻസ് ഏരീസ് കൊല്ലം സെയിലേഴ്സിനെയും (2:30 PM), കാലിക്കറ്റ് ഗ്ലോബ്സ്റ്റാർസ് ആലപ്പി റിപ്പിൾസിനെയും (6:45 PM) നേരിടും.
30 ന് അദാനി ട്രിവാൻഡ്രം റോയൽസ് കാലിക്കറ്റ് ഗ്ലോബ്സ്റ്റാർസിനെയും (2:30 PM), കൊച്ചി ബ്ലൂ ടൈഗേഴ്സ് തൃശൂർ ടൈറ്റൻസിനെയും (6:45 PM) നേരിടും.
31 ന് അദാനി ട്രിവാൻഡ്രം റോയൽസ് ഏരീസ് കൊല്ലം സെയിലേഴ്സിനെയും (2:30 PM), ആലപ്പി റിപ്പിൾസ് കൊച്ചി ബ്ലൂ ടൈഗേഴ്സിനെയും (6:45 PM) നേരിടും.
സെപ്റ്റംബർ ഒന്നിന് നടക്കുന്ന മത്സരത്തിൽ തൃശൂർ ടൈറ്റൻസ് ആലപ്പി റിപ്പിൾസുമായും (2:30 PM), കാലിക്കറ്റ് ഗ്ലോബ്സ്റ്റാർസ് ഏരീസ് കൊല്ലം സെയിലേഴ്സുമായും (6:45 PM) ഏറ്റുമുട്ടും.
സെപ്റ്റംബർ രണ്ടിന് കൊച്ചി ബ്ലൂ ടൈഗേഴ്സ് കാലിക്കറ്റ് ഗ്ലോബ്സ്റ്റാർസിനെയും (2:30 PM), തൃശൂർ ടൈറ്റൻസ് അദാനി ട്രിവാൻഡ്രം റോയൽസിനെയും (6:45 PM) നേരിടും.
സെപ്റ്റംബർ 3ന് അദാനി ട്രിവാൻഡ്രം റോയൽസ് ആലപ്പി റിപ്പിൾസിനെയും (2:30 PM), ഏരീസ് കൊല്ലം സെയിലേഴ്സ് കൊച്ചി ബ്ലൂ ടൈഗേഴ്സിനെയും (6:45 PM) നേരിടും.
നാലിന് ആലപ്പി റിപ്പിൾസ് ഏരീസ് കൊല്ലം സെയിലേഴ്സിനെയും (2:30 PM), കാലിക്കറ്റ് ഗ്ലോബ്സ്റ്റാർസ് തൃശൂർ ടൈറ്റൻസിനെയും (6:45 PM) നേരിടും.
ലീഗ് ഘട്ടത്തിലെ പ്രകടനത്തിന്റെ അടിസ്ഥാനത്തിൽ പോയിന്റ് പട്ടികയിൽ ആദ്യ നാല് സ്ഥാനങ്ങളിൽ എത്തുന്ന ടീമുകൾ നോക്കൗട്ട് ഘട്ടത്തിലേക്ക് യോഗ്യത നേടും.
സെപ്റ്റംബർ 5-നാണ് സെമി ഫൈനൽ മത്സരങ്ങൾ നടക്കുക.
ഉച്ചകഴിഞ്ഞ് 2:30-ന് നടക്കുന്ന ആദ്യ സെമി ഫൈനലിൽ ഒന്നാം സ്ഥാനക്കാർ നാലാം സ്ഥാനക്കാരെ നേരിടും. അന്നേ ദിവസം വൈകിട്ട് 6:45-ന് നടക്കുന്ന രണ്ടാം സെമി ഫൈനലിൽ രണ്ടും മൂന്നും സ്ഥാനക്കാർ തമ്മിൽ ഏറ്റുമുട്ടും. ഈ മത്സരങ്ങളിലെ വിജയികൾ സെപ്റ്റംബർ 6-ന് വൈകിട്ട് 6:45-ന് നടക്കുന്ന ഫൈനലിൽ കിരീടത്തിനായി പോരാടും.
