റയൽ മാഡ്രിഡിന്റെ 20 വയസ്സുകാരനായ യുവതാരം ചെമ ആൻഡ്രസ് ബുണ്ടസ്ലിഗ ക്ലബ്ബായ സ്റ്റുട്ട്ഗാർട്ടിലേക്ക് ചേക്കേറി. ഇതോടെ സ്പാനിഷ് വമ്പന്മാരുടെ യൂത്ത് സിസ്റ്റത്തിലെ അദ്ദേഹത്തിന്റെ ഏഴ് വർഷത്തെ യാത്രയ്ക്ക് വിരാമമായി. സ്പാനിഷ് യുവപ്രതിഭയ്ക്കായി ജർമ്മൻ ക്ലബ്ബ് 3 മില്യൺ യൂറോയാണ് മുടക്കിയത്.
ഭാവിയിൽ താരത്തെ തിരികെ കൊണ്ടുവരാനുള്ള ഒരു ‘ബൈ-ബാക്ക്’ വ്യവസ്ഥയും റയൽ മാഡ്രിഡ് കരാറിൽ ഉൾപ്പെടുത്തിയിട്ടുണ്ട്. അക്കാദമി നാളുകളിൽ സാബി അലോൺസോ പരിശീലിപ്പിക്കുകയും ക്ലബ്ബ് ലോകകപ്പിൽ കളിക്കുകയും ചെയ്തിട്ടുള്ള ചെമ, സോഷ്യൽ മീഡിയയിൽ ഒരു വൈകാരികമായ യാത്രയയപ്പ് കുറിപ്പ് പങ്കുവെച്ചു.
