മുൻ ലിവർപൂൾ മാനേജർ ജർഗൻ ക്ലോപ്പ്, സ്പെയിനിൽ കാറപകടത്തിൽ ഡിയോഗോ ജോട്ട ദാരുണമായി മരിച്ച ഹൃദയഭേദകമായ വാർത്തയോട് ഇൻസ്റ്റാഗ്രാമിൽ അതിവൈകാരികമായ ഒരു കുറിപ്പോടെ പ്രതികരിച്ചു. 28 വയസ്സുകാരനായ ജോട്ടയും ഇളയ സഹോദരൻ ആന്ദ്രെയും വ്യാഴാഴ്ച സമോറയ്ക്കടുത്ത് വെച്ചുണ്ടായ മാരകമായ വാഹനാപകടത്തിൽ മരണപ്പെട്ടുവെന്ന വാർത്ത ഫുട്ബോൾ ലോകത്ത് ഞെട്ടലുളവാക്കി.
ലിവർപൂളിൽ ജോട്ടയ്‌ക്കൊപ്പം പ്രവർത്തിച്ചിരുന്ന ക്ലോപ്പ്, ഈ നഷ്ടത്തിൽ അഗാധമായ ദുഃഖവും ഞെട്ടലും രേഖപ്പെടുത്തി.
“ഇത് എനിക്കൊരു പ്രയാസമുള്ള നിമിഷമാണ്! ഇതിനൊരു വലിയ ഉദ്ദേശ്യം ഉണ്ടായിരിക്കണം! പക്ഷേ എനിക്കത് കാണാൻ കഴിയുന്നില്ല!”
“ഡിയോഗോയുടെയും അദ്ദേഹത്തിന്റെ സഹോദരൻ ആന്ദ്രെയുടെയും വിയോഗവാർത്തയറിഞ്ഞതിൽ ഞാൻ അതീവ ദുഃഖിതനാണ്. ഡിയോഗോ ഒരു മികച്ച കളിക്കാരൻ മാത്രമല്ല, ഒരു നല്ല സുഹൃത്തും, സ്നേഹസമ്പന്നനായ ഭർത്താവും പിതാവുമായിരുന്നു!” ക്ലോപ്പ് കുറിച്ചു.
നിങ്ങളെ ഞങ്ങൾ ഒരുപാട് മിസ്സ് ചെയ്യും!
എൻ്റെ പ്രാർത്ഥനകളും ചിന്തകളും ശക്തിയും റൂട്ടിക്കുക്കും കുട്ടികൾക്കും കുടുംബത്തിനും സുഹൃത്തുക്കൾക്കും അവരെ സ്നേഹിച്ച എല്ലാവർക്കും ഒപ്പമുണ്ട്!
ആത്മശാന്തി നേരുന്നു – സ്നേഹത്തോടെ,” ക്ലോപ്പ് കുറിച്ചു.
2020-ൽ ലിവർപൂളിൽ ചേർന്ന ജോട്ട, ക്ലോപ്പിന്റെ കീഴിൽ നിരവധി ശ്രദ്ധേയമായ മത്സരങ്ങളിൽ നിർണായക പങ്ക് വഹിക്കുകയും നിരവധി കിരീടങ്ങൾ നേടുകയും ചെയ്തിട്ടുണ്ട്.
