മാഞ്ചസ്റ്റർ യുണൈറ്റഡിൽ നിന്ന് ലോണിൽ പി.എസ്.വി ഐന്തോവനിൽ കളിച്ചിരുന്ന യുവ ലെഫ്റ്റ് ബാക്ക് ടൈറൽ മലാസിയയെ സ്ഥിരമായി സ്വന്തമാക്കാനുള്ള അവസരം ഡച്ച് ക്ലബ്ബ് വിനിയോഗിച്ചില്ല. ഇതോടെ, ഡച്ച് താരം തന്റെ മാതൃ ക്ലബ്ബായ മാഞ്ചസ്റ്റർ യുണൈറ്റഡിലേക്ക് തിരികെ എത്തുമെന്ന് ഔദ്യോഗികമായി പ്രഖ്യാപിച്ചു.
ഈ സീസണിൽ പി.എസ്.വിക്ക് വേണ്ടി നല്ല പ്രകടനങ്ങൾ കാഴ്ചവെച്ചെങ്കിലും മലാസിയയെ സ്ഥിരമായി ടീമിൽ നിലനിർത്താൻ ഐന്തോവൻ തയ്യാറായില്ല.
മാഞ്ചസ്റ്റർ യുണൈറ്റഡിന്റെ പ്രീ-സീസൺ ഒരുക്കങ്ങൾക്കായി മലാസിയ ടീമിനൊപ്പം ചേരും. അടുത്ത സീസണിൽ യുണൈറ്റഡിന്റെ പദ്ധതികളിൽ താരത്തിന് സ്ഥാനമുണ്ടാകുമോ അതോ മറ്റൊരു ക്ലബ്ബിലേക്ക് ലോണിൽ പോകുമോ എന്ന് കാത്തിരുന്ന് കാണേണ്ടിയിരിക്കുന്നു. താരത്തെ വിൽക്കാൻ തന്നെയാകും യുണൈറ്റഡിന്റെ ശ്രമം.
