വിയ്യാറയൽ താരം അലെക്സ് ബയേന അത്ലറ്റിക്കോ മാഡ്രിഡിലേക്ക്. വിയ്യാറയലുമായി അത്ലറ്റിക്കോ മാഡ്രിഡ് അന്തിമ കരാറിൽ എത്തിയതായാണ് ഫബ്രിസിയോ റൊമാനോ റിപ്പോർട്ട് ചെയ്യുന്നത്.
മെഡിനാമാർക്ക റിപ്പോർട്ട് ചെയ്തതനുസരിച്ച്, 45 ദശലക്ഷം യൂറോ ട്രാൻസ്ഫർ ഫീസും 5 ദശലക്ഷം യൂറോ ആഡ്-ഓൺസുമായി മൊത്തം 50 ദശലക്ഷം യൂറോയുടെ കരാറാണ് ഇത്. വിശദാംശങ്ങൾ അന്തിമമാക്കിയ ശേഷം മെഡിക്കൽ പരിശോധനകൾ നടക്കും. ബയേന ആഴ്ചകൾക്ക് മുൻപേ തന്നെ അത്ലറ്റിക്കോ മാഡ്രിഡിൽ ചേരാൻ സമ്മതം അറിയിച്ചിരുന്നു.
മധ്യനിരയിൽ ക്രിയാത്മകമായ നീക്കങ്ങൾ നടത്താൻ കഴിവുള്ള താരം അത്ലറ്റിക്കോ മാഡ്രിഡിന് വലിയ മുതൽക്കൂട്ടാകുമെന്നാണ് പ്രതീക്ഷിക്കുന്നത്.
