എവർട്ടൺ പ്രതിരോധനിര താരം ജാറഡ് ബ്രാൻത്‌വെയ്റ്റ് ക്ലബ്ബുമായി പുതിയ കരാർ ഒപ്പിടാൻ ഒരുങ്ങുന്നതായി റിപ്പോർട്ട്. പ്രമുഖ സ്പോർട്സ് ജേർണലിസ്റ്റ് പോൾ ജോയ്‌സിന്റെ റിപ്പോർട്ട് പ്രകാരം, 2030 ജൂൺ വരെ കാലാവധിയുള്ള ഒരു പുതിയ കരാറാണ് താരം എവർട്ടണുമായി അംഗീകരിക്കാൻ പോകുന്നത്.
കഴിഞ്ഞ കുറച്ചുകാലമായി ബ്രാൻത്‌വെയ്റ്റിന് വേണ്ടി മറ്റ് പല പ്രമുഖ ക്ലബ്ബുകളും രംഗത്തുണ്ടായിരുന്നു.
താരത്തിന്റെ മികച്ച പ്രകടനങ്ങൾ യൂറോപ്പിലെ വമ്പൻ ക്ലബ്ബുകളുടെ ശ്രദ്ധ ആകർഷിച്ചിരുന്നു. എന്നിരുന്നാലും, എവർട്ടണിൽ തുടരാനുള്ള താരത്തിന്റെ താൽപ്പര്യവും ക്ലബ്ബിന്റെ നീക്കങ്ങളും ഈ പുതിയ കരാറിലേക്ക് നയിക്കുകയായിരുന്നു.
