പ്രീമിയർ ലീഗ് ചാമ്പ്യന്മാരായ ലിവർപൂൾ ഹംഗറി ഇന്റർനാഷണൽ താരം മിലോസ് കെർക്കെസിനെ എഎഫ്‌സി ബോൺമൗത്തിൽ നിന്ന് ഔദ്യോഗികമായി സ്വന്തമാക്കി. 21 വയസ്സുകാരനായ ലെഫ്റ്റ് ബാക്ക് എഎക്സ്എ ട്രെയിനിംഗ് സെന്ററിൽ വൈദ്യപരിശോധന പൂർത്തിയാക്കുകയും ദീർഘകാല കരാറിൽ ഒപ്പുവെക്കുകയും ചെയ്തു. ഫ്ലോറിയൻ വിർട്‌സിന്റെ വരവിന് ശേഷം ക്ലബ്ബിന്റെ ഏറ്റവും പുതിയ സമ്മർ സൈനിംഗാണിത്.
നേരത്തെ ETO FC Györ, എസി മിലാൻ, എസെഡ് അൽകമാർ, ബോൺമൗത്ത് എന്നിവിടങ്ങളിൽ കളിച്ചിട്ടുള്ള കെർക്കെസ് ഹംഗറിക്കായി 23 മത്സരങ്ങളിൽ ബൂട്ട് കെട്ടിയിട്ടുണ്ട്. 2023-ലെ ഗോൾഡൻ ബോയ് അവാർഡ് ഫൈനലിസ്റ്റുകളിലൊരാളുമായിരുന്നു അദ്ദേഹം.
ബോൺമൗത്തിനായുള്ള 74 മത്സരങ്ങളിൽ നിന്ന് രണ്ട് ഗോളുകളും എട്ട് അസിസ്റ്റുകളും കെർക്കെസ് നേടിയിട്ടുണ്ട്. ഇംഗ്ലണ്ടിലെ ഏറ്റവും വലിയ ക്ലബ്ബിൽ ചേരാൻ കഴിഞ്ഞതിൽ അഭിമാനമുണ്ടെന്നും, കിരീടങ്ങൾ നേടാനും ആൻഫീൽഡിലെ ആവേശം അനുഭവിക്കാനും താൻ എല്ലാം നൽകാൻ തയ്യാറാണെന്നും കെർക്കെസ് തന്റെ ആവേശം പങ്കുവെച്ചു.
അദ്ദേഹത്തിന്റെ ജേഴ്‌സി നമ്പർ ഈ പിന്നീട് സ്ഥിരീകരിക്കും.
