ഐപിഎൽ 2025 ഫൈനലിൽ പഞ്ചാബ് കിംഗ്‌സിനെ ആറ് റൺസിന് തോൽപ്പിച്ച് ചരിത്രത്തിലെ ആദ്യ ഐപിഎൽ കിരീടം നേടിയ റോയൽ ചലഞ്ചേഴ്‌സ് ബെംഗളൂരു (ആർസിബി) ഇന്ന്, ജൂൺ 4 ന്, ബെംഗളൂരുവിൽ ഗംഭീരമായ വിജയഘോഷയാത്ര നടത്തും.
18 വർഷത്തെ കാത്തിരിപ്പിനാണ് ആർസിബി കിരീടം നേടുന്നതിലൂടെ വിരാമമിട്ടത്. വിശ്വസ്തരായ ആരാധകർക്ക് ആദരം അർപ്പിച്ചുകൊണ്ട് നഗരം ചുറ്റിയാകും ഈ ആഘോഷം നടക്കുക. വൈകുന്നേരം 3:30 ന് വിധാന സൗധയിൽ നിന്ന് ആരംഭിച്ച് എം. ചിന്നസ്വാമി സ്റ്റേഡിയത്തിൽ സമാപിക്കുന്ന രീതിയിലാണ് ആഘോഷപരിപാടികൾ.
രാജ്യത്തുടനീളമുള്ള ആരാധകർക്ക് ട്രോഫി പരേഡ് സ്റ്റാർ സ്പോർട്സ് നെറ്റ്‌വർക്കിൽ തത്സമയം കാണാം, കൂടാതെ ജിയോഹോട്ട്‌സ്റ്റാറിൽ സ്ട്രീം ചെയ്യാനും സാധിക്കും.
