ട്രാൻസ്ഫർ വിദഗ്ധൻ ഫാബ്രിസിയോ റോമാനോയുടെ റിപ്പോർട്ടുകൾ പ്രകാരം, ഈ സമ്മറിൽ ഫ്രീ ഏജൻ്റായ വെറ്ററൻ മിഡ്‌ഫീൽഡർ ലൂക്കാ മോഡ്രിച്ച് എസി മിലാനിലേക്ക് മാറുന്നത് ഗൗരവമായി പരിഗണിക്കുന്നു.
39 കാരനായ ക്രൊയേഷ്യൻ ഇതിഹാസത്തിൻ്റെ റയൽ മാഡ്രിഡിലെ 13 വർഷത്തെ തിളക്കമാർന്ന കരിയറിന് അവസാനമായതിന് പിന്നാലെ, മിലാൻ്റെ പുതിയ സ്പോർട്ടിംഗ് ഡയറക്ടർ ഇഗ്ലി ടാരെ താരത്തെ സമീപിച്ചതായാണ് റിപ്പോർട്ടുകൾ.
പരിശീലകൻ മാക്സ് അല്ലെഗ്രിയുടെ കീഴിൽ വലിയ മാറ്റങ്ങൾ ലക്ഷ്യമിടുന്ന മിലാൻ മോഡ്രിച്ചുമായി ചർച്ചകൾ സജീവമാക്കി. ഇൻ്റർ മിയാമി, അൽ-നാസർ ക്ലബ്ബുകളും താരത്തിൽ താൽപ്പര്യം കാണിച്ചിട്ടുണ്ട്.
